This article has been translated from English to Tagalog.
Ang A-Book execution model may kanya-kanyang kwelang challenges.
Ang isang A-Book forex broker ay kikita lang mula sa markups kung ang exchange rates galing sa LP ay mas maganda kumpara sa presyo ng broker sa kanyang customers.
Kung hindi, pwede niyang i-transfer yung market risk pero wala siyang kita at baka pa nga magkaroon ng lugi. 😬
Example: Nalulugi si A-Broker Dahil sa Negative Markup
Ito ang isang halimbawa na nagpapakita paano nalulugi ang broker kapag mas malala ang presyo mula sa liquidity provider kumpara sa presyo para sa customer.
Bumili si Elsa ng long position sa AUD/USD na nasa 0.7500.
Ang size ng position niya ay 1,000,000 units o 10 standard lots. Ibig sabihin nito, ang 1-pip move ay katumbas ng $100.
Pagkatapos, inilipat agad ng broker ang risk sa pamamagitan ng pagbili ng long position sa LP na nasa 0.7502.
Pansinin na mas PABOR kay Elsa ang binibigay na presyo ng broker kaysa sa buy price mula sa LP para sa broker.
Mas maganda ang rates na ibinibigay ng broker kay Elsa kaysa sa matatanggap nito mula sa LP!
Mula sa pananaw ng broker, hindi ito maganda.
Tumaas ang presyo ng AUD/USD.
Nag-desisyon si Elsa na i-close ang kanyang position sa 0.7550 na nagresulta sa gain na 50 pips o $5,000 ($100 x 50 pips).
Ang broker din ay nag-exit ng position sa LP sa 0.7548.
Mas maganda muli ang sell price ng broker kay Elsa kaysa sa price mula sa LP.
Kitang-kita na ang operasyon na ito ay luging-lugi para sa broker.
Hindi puwedeng ipagpatuloy ng broker ang ganitong kalakaran kung gusto niyang manatili sa negosyo.
Kung umaasa sa markups ang broker para sa kita, dapat ang presyo mula sa liquidity providers kumpara sa ibinibigay niya sa customers ay dapat pabor kay broker.
Nagagawa ito ng broker sa pamamagitan ng:
- Paggamit ng presyo mula sa liquidity provider bilang basehan ng quotes niya sa customers. Essentially, magpapakita lang ang broker ng quotes kung saan makikita niyang kumikita siya sa markup.
- Isagawa ang trade sa liquidity provider kasabay ng kanyang customer. Tinatawag rin itong “hedge”, “offset”, o “cover”.
Kung may delay ang trade na ito, maari pa rin siyang malugi kung mabilis na nagbabago ang presyo.
Ang maranasan ang slippage ay risk para sa A-Book execution ng isang broker.
Kapag nagpakita na ng presyo sa customer, kailangan ng A-book broker na ma-execute sa mismong presyong iyon.
Kaya’t pag oras na para mag-hedge, dapat siguradong mas makakakuha siya ng mas magandang presyo mula sa liquidity providers. Kung hindi, mas maganda pa ang ibibigay niyang presyo sa customer at malulugi siya!
Parang isang grocery store na nagbebenta ng tinapay sa mga customers nito ng $5 na binili naman nila ng $4.
Kung gustong kumita ng grocery store sa pagbebenta ng tinapay, kailangang siguraduhin na kung magoofer siya ng $5 bread sa customer, dapat makuha niya ito mula sa wholesale supplier ng mas mababa sa $5.
Kung hindi, hindi magtatagal ang carinderia, este grocery store.
