Ano ang KYC?

Ano ang KYC?

Alam ko iniisip mo...

Hindi po. Sorry.

Sa kasamaang palad, hindi ito bagong klase ng Kentucky chicken. 😂

Ano ang KYC?

Kapag nagbubukas ka ng account, mapapansin mo na ang crypto exchange ay hinihingi kang kumpletuhin ang tinatawag na “KYC” verification process.

Ang mga crypto exchange sa U.S. at marami pang ibang bansa ay sakop ng anti-money laundering (AML) banking laws at regulations.

Para sumunod sa mga regulasyon na ito, kailangang mangalap ng crypto exchanges ng partikular na impormasyon tungkol sa kanilang mga customer. Karaniwang kilala ang prosesong ito bilang “KYC” na nangangahulugang "Know Your Customer".

Ibig sabihin nito kailangan mong magbigay ng personal na impormasyon na magpapatunay ng iyong pagkakakilanlan.

Para maiwasan ang paggamit ng pondo sa pandaraya, money laundering, terrorist financing, pagpapanggap bilang pekeng German heiress, at iba pang ilegal na aktibidad, kailangang mas maging seryoso ang exchanges kaysa sa barista na tinatanong ka ng inumin mo at palayaw mo.

Sa pamamagitan ng pag-kolekta ng impormasyon tungkol sa pagkakakilanlan ng kanilang mga customer, nabubuo ang isang database na pwedeng gamitin ng law enforcement agencies sa kanilang mga imbestigasyon sa kaso ng mga susunod na krimen.

Ang “Know Your Customer”(KYC) ay hindi lang para sa crypto kundi para rin sa halos LAHAT ng financial institutions na may hawak ng pondo ng mga customer.

Halimbawa, dumadaan ka rin sa KYC process kahit sa pagbubukas ng bank account, pag-aapply ng credit card, car loan, o mortgage.

May iba’t-ibang level ng KYC mula zero KYC hanggang super thorough KYC.

Bagamat may mga crypto exchanges na pinapayagan pa rin ang users na magdeposito ng pondo nang hindi dumadaan sa KYC, unti-unti na silang nawawala sa uso dahil ito ay nagiging global standard. Ngayon, kadalasan, lahat ng malalaking crypto exchanges ay humihingi ng KYC kapag may bagong user na nagbubukas ng account.

Paano gumagana ang KYC?

Kapag nag-sign up ka para sa isang account sa isang exchange, kailangan mong ibigay ang iyong basic information tulad ng:

• Buong pangalan mo
• Petsa ng kapanganakan mo
• Address mo
• Email address mo
• Numero ng telepono mo

Kailangang makuha ang impormasyong ito para masigurado na ang exchange ay sumusunod sa mga kinakailangan sa ilalim ng Anti-Money Laundering (AML) regulations.

Ang layunin ng AML regulations ay pigilan ang mga tao sa pagtatago ng pinagmulan, daloy, at destinasyon ng electronic money transfers para masundan ng law enforcement agencies ang daloy ng iligal na pondo.

Hindi ka makakapagtago kung kailangan mong isiwalat ang iyong pagkakakilanlan.

Depende sa trading platform o lokal na batas, maaaring hingin ng exchange ang karagdagang impormasyon tulad ng:

• Pinagmulan ng kita mo
• Social security number mo
• Photo ID na ibinigay ng gobyerno tulad ng driver’s license o passport
• Katibayan ng address tulad ng kopya ng iyong utility bill
• Larawan ng sarili mo (selfie)
• Facial biometric scan (video selfie)

Habang ang initial sign-up process ay karaniwang automated, ang financial institutions ay may client services teams (tunay na tao) na naka-assign para doblehin ang pag-check sa ibinigay na impormasyon kung tama. Baka tawagan ka pa nga nila!

Para malaman ang partikular na KYC requirements ng isang crypto exchange at gaano katagal inaasahan ang verification process, hanapin ang customer support section sa kanilang website.

Sa huli, karaniwan na rin para sa exchanges na magkaroon ng mas maraming KYC requirements para sa mas malalaking account sizes o malalaking transaksyon. Sinesiguro lang nila na ang pondo ay mula sa lehitimong pinagmulan at walang ginagawang kalokohan!

Ang ibang crypto exchanges ay nangangailangan ng parehong KYC process kahit gaano pa ang halaga ng pondo na nais mong i-deposito o i-withdraw.

Tulad ng nakikita mo, maraming personal na impormasyon ang kailangan mong ibunyag.

Kaya naman mahalaga na siguraduhin mong maayos at mapagkakatiwalaan ang crypto exchange na kinakausap mo!

Kahit na maaaring maging hassle para sa iyo ang KYC, wala ka na talagang magagawa.

Sa dami ng milyun-milyong dolyar na pumapasok sa crypto market mula sa iba’t-ibang pinagmulan, mas maraming gobyerno ang nagpipilit sa mga crypto exchanges na sumunod sa kanilang Know Your Customer (KYC) at Anti-Money Laundering (AML) processes.