Ano ang Depth Chart?

Ano ang depth chart?

Parang gamit yata yan ng mga scuba diver.

Pero hindi, mali ka diyan.

Sa karamihan ng mga trading platforms na ino-offer ng centralized crypto exchanges (CEX), bukod sa price chart, may tinatawag din na “depth chart” na makikita.

Ang depth chart ay isang tool para maintindihan ang supply and demand ng cryptocurrency sa isang takdang sandali para sa iba’t ibang presyo.

Isa itong visual representation ng isang order book, na isang organisadong listahan ng mga nakabinbing buy o sell orders ng isang partikular na cryptocurrency sa iba’t ibang price level.

Bilang isang crypto trader, mahalaga na maintindihan mo kung ano ang depth chart at paano ito basahin.

Paano Basahin ang Depth Chart

Ang depth chart ay isang visual representation ng buy orders (“bids”) at sell orders (“asks”) ng order book.

Isa itong magandang paraan upang ipakita ang volume (o order size) ng mga nakabinbing buy at sell orders ayon sa bawat price level.

Ganito ang itsura ng isang depth chart:

Habang iba-iba ang itsura ng depth charts sa iba't ibang crypto exchanges, kadalasan meron silang mga sumusunod na components:

• Bid line
• Ask line
• Horizontal “X” axis
• Vertical “Y” axis

Ano ang bid line?

Ang bid line ay nagpapakita ng cumulative value ng buy orders (“bids”) sa bawat price point. Ito ay kinakatawan ng isang green na linya sa kaliwang bahagi ng depth chart.

Ano ang ask line?

Ang ask line ay nagpapakita ng cumulative value ng sell orders (“asks”), sa bawat price point. Ito ay ipinapakita ng isang red na linya sa kanang bahagi ng depth chart.

Ano ang horizontal “X” axis?

Ang horizontal axis ay nagpapakita ng iba't ibang presyo kung saan ang buy at sell orders ay inilalagay.

Sa kaliwang bahagi (na green), makikita mo ang lahat ng buy limit orders (“bids”) na inilagay na ng mga tao. Ito ang bid side ng order book.

Sa kanang bahagi (na red), makikita mo ang lahat ng sell limit orders (“asks”) na inilagay na ng mga tao. Ito ang ask side ng order book.

Ganito para hindi mo makalimutan:

• Kaliwang bahagi (green) = Bid side (buy orders)
• Kanan na bahagi (red) = Ask side (sell orders)

Ano ang vertical “Y” axis?

Ang vertical axis ay kumakatawan sa dami ng orders na inilalagay sa bawat price level para sa isang cryptocurrency.

Karamihan sa mga crypto exchange ay naglalaman ng depth charts kung saan pwede mong i-hover ang iyong mouse kahit saan sa bid o ask line at makita kung gaano karaming buy o sell orders ang inilalagay sa presyong iyon.

Paano gumagana ang isang depth chart?

Ang depth chart ay nagpapakita ng supply (selling interest) at demand (buying interest).

Ang “depth” sa isang depth chart ay tumutukoy sa kakayahan ng isang merkado para sa isang partikular na cryptocurrency na suportahan ang malalaking orders (buy o sell) nang hindi masyadong gumagalaw ang presyo nito.

Habang mas maraming nakabinbing orders sa magkabilang panig ng isang order book, mas “malalim” ang order book na iyon.

Mas maraming nakabinbing orders, mas malaki ang “depth”.

Kung ang green na bahagi ay mas mataas kaysa sa red na bahagi, nagpapahiwatig ito na mas malaki ang buying interest (sa ibaba ng kasalukuyang presyo) kaysa sa selling interest (sa itaas ng kasalukuyang presyo). At kabaligtaran.

Buy and Sell Walls

Ano ang buy at sell walls?

Buy and sell walls ay nagpapakita ng malaking volume ng buy orders o sell orders sa isang tiyak na presyo.

Visually, ang volume ng orders ay bumubuo ng isang kulay na “wall” kapag ipinapakita laban sa price levels.

Ang buy at sell walls na nakalista sa isang depth chart ay nagbibigay sa iyo ng ideya kung paano pinapredik ng iba pang mga trader sa merkado ang direksyon ng presyo.

Ano ang Buy Wall?

Ang isang “buy wall” ay nabubuo kapag may malaking bilang ng buy orders (“bids”) sa isang tiyak na price level.

Kapag mas maraming nakabinbing buy orders sa isang presyuhan, mas mataas ang buy wall.

Sa halimbawa sa ibaba, may buy wall para sa BTC/USD sa 29,000.

Ang buy walls ay pwedeng mabuo mula sa maraming orders sa parehong presyo o iisang malaking buy order na inilagay ng isang “whale“.

Ang isang malaking buy wall ay maaaring magpahiwatig na ang mga trader ay naniniwala na hindi bababa ang presyo sa ibaba ng price level na ito dahil sa dami ng nakabinbing buy orders.

Ang volume ng mga buy orders na ito ay sapat na upang potensyal na itaas ang presyo kung ang mga trades ay maisasakatuparan.

Ang presensya ng buy wall ay maaari pang magdulot ng pagtaas sa presyo kahit bago pa maisakatuparan ang mga buy wall orders. Ito ay dahil magsisimula ng bumaba ang supply habang ang presyo ay papalapit sa buy wall.

Ang buy walls ay maaari ring artipisyal na mabuo. Dahil ang buy orders ay dynamic at pwedeng idagdag o alisin sa anumang oras, ang buy walls ay maaring gamitin bilang anyo ng market manipulation at maaaring hindi totoong interes na bumili ng cryptocurrency sa presyong iyon.

Ano ang Sell Wall?

Ang sell wall ay kabaligtaran ng buy wall.

Ang isang “sell wall” ay nabubuo kapag may malaking bilang ng sell orders (“asks”) sa isang tiyak na price level.

Kapag mas maraming nakabinbing sell orders sa isang presyuhan, mas mataas ang sell wall.

Sa halimbawa sa ibaba, may sell wall para sa BTC/USD sa 30,001.

Ang sell walls ay pwedeng mabuo mula sa maraming orders sa parehong presyo o iisang malaking buy order na inilagay ng isang “whale”.

Ang isang malaking sell wall ay pumipigil sa presyo na mabilis na tumaas dahil ito ay bumubuo ng malaking dami ng sell orders sa isang tiyak na presyo.

Ang volume ng mga sell orders na ito ay sapat na upang potensyal na pababain ang presyo kung ang mga trades ay maisasakatuparan.

Ang presensya ng sell wall ay maaaring magdulot ng pagbaba sa presyo kahit bago pa maisakatuparan ang mga sell wall orders. Ito ay dahil habang ang presyo ay papalapit sa sell wall, naniniwala ang mga trader na ang supply ay malapit ng mag-overwhelm sa demand at magpapababa sa mga presyo.

Sa halip na mangahulugan na magbenta sa mas mababang presyo, ibebenta na nila kaagad.

Ang isang malaking sell wall ay maaaring magpahiwatig na maraming traders ang hindi naniniwala na ang presyo ay tataas sa itaas ng isang tiyak na price level.

Katulad ng buy walls, ang sell walls ay maaari ring manipulahin.