Paano Iwasan ang Margin Call

Trading on margin ay isang paraan para sa mga traders na may konting puhunan na magkaroon ng malaking kita (o lugi).

Pag di mo naintindihan ang konsepto ng margin o di mo alam ang gagawin pag bigla kang na-margin call ng iyong broker, sure na ma-eexperience mo ang biglang sabog ng trading account mo.

Narito ang limang paraan para maiwasan ang isang margin call.

1. Alamin kung ano talaga ang margin call.

Ang pag-intindi sa kung ano' ng margin call ay unang hakbang sa pag-iwas dito.

Karamihan sa mga beginners na traders ay mas interesado sa ibang aspeto ng trading tulad ng technical indicators o chart patterns, pero nakakalimutan ang mahahalagang bagay tulad ng margin requirements, equity, used margin, free margin, at margin levels.

Kapag na-margin call ka bigla, ibig sabihin wala kang idea kung ano ang sanhi nito at nag-oopen ka ng trades nang hindi ikinokonsidera ang margin requirements.

Kung ito ka, you’re doomed as a trader. Promise.

Ang margin call ay nangyayari kapag ang Margin Level ng account mo ay bumaba sa kinakailangang minimum.

Sa puntong ito, ang broker mo ay magno-notify sa’yo at magde-demand na magdagdag ka pa ng pera sa account mo para umabot sa minimum margin requirements.

Ngayon, automated na ang proseso nito kaya maaaring email o text na lang ang gagawin ng broker mo, kaysa tawagan ka pa sa phone.

2. Alamin ang margin requirements bago ka mag-place ng kahit anong order.

Napakahalaga na alam mo ang margin requirements BAGO ka mag-open ng trade.

Hindi masyado iniintindi ng karamihan ng traders ang konsepto ng margin call, lalo na pag naglalagay sila ng pending orders sa kanilang broker.

Karaniwan, ilalagay ng mga trader ang isang order sa broker at ito ay mananatiling open hanggang sa maabot ang limit price o ma-expire ang pending order.

Kapag naglagay ka ng pending order, hindi apektado ang trading account mo kasi walang margin na ina-apply sa pending orders.

Pero, ito ay naglalagay sa’yo sa risk na di sinasadyang ma-fill ang pending order.

Kapag hindi mo masyado mino-monitor ang margin level mo, kapag na-fill na ang order na ito, maaari itong magresulta sa margin call.

Para maiwasan ito, kailangan mo isaalang-alang ang margin requirements bago mag-place ng order.

Kailangang i-account mo ang margin na ide-deduct sa free margin mo, pati na maglaan ng extra margin para may pang-galaw ang trade mo.

Kapag marami kang pending orders na naka-open, maaari itong maging magulo, at kung di ka maingat, maaaring magresulta ito sa margin call.

Para maiwasan ang ganitong sakuna, napakahalagang intindihin mo ang margin requirements ng bawat posisyon na plano mong i-enter.

3. Gumamit ng stop loss orders o trailing stops para maiwasan ang margin calls.

Kung di mo alam kung ano ang stop loss order, lagot ka at mawawalan ka ng maraming pera.

Pero bilang refresher, ang stop loss order ay isang uri ng stop order na pinapadala sa broker bilang pending order. Ito ay na-aactivate kapag ginagalaw ang presyo laban sa trade mo.

Halimbawa, kung long ka ng 1 mini lot sa USD/JPY sa 110.50, at nilagay mo ang stop loss sa 109.50.

Ibig sabihin nito kapag bumagsak ang USD/JPY sa 109.50, ma-aactivate ang stop order mo at magsasara ang long position mo sa lugi ng 100 pips o $100.

Kung nag-trade ka NANG WALANG stop loss order at patuloy na bumagsak ang USDJPY, sa ilang punto, depende sa kung magkano ang pera mo sa account, maaari kang ma-margin call.

Ang stop loss order o trailing stop order ay pumipigil sa lalong pagkalugi, na tumutulong para maiwasan ang pagkakaroon ng margin call.

4. Mag-scale in ng positions imbis na i-enter lahat agad-agad.

Isa pang dahilan kung bakit napapamargin call ang ibang traders ay mali ang kalkulasyon sa price movement.

Halimbawa, iniisip mo na sobrang taas na ng GBP/USD at di ito pwedeng tumaas pa, kaya magbubukas ka ng napaka-LAKING short position.

Ang ganitong klase ng sobrang kumpiyansang trading ay nagpapataas ng posibilidad na ma-margin call.

Para maiwasan ito, isang diskarte ay ang pag-build ng isang trade position, na kilala rin bilang “scaling in”.

Imbis na mag-trade agad gamit ang 4 mini lots, magsimula ka muna sa 1 mini lot. Pagkatapos ay magdagdag o “scale in” ka sa posisyon habang pabor sa'yo ang paggalaw ng presyo.

Habang patuloy kang nagdadagdag ng bagong posisyon, maaari mo ring ilipat ang stop losses ng mga naunang posisyon para mabawasan ang potential na pagkalugi o maging para makuha ang kita na.

Position scaling ay makakatulong sa’yo na palakihin ang kita habang nagte-trade ng walang masyadong risk kapag pinag-combine mo ang lahat ng posisyon.

Habang kadalasan nangangailangan ito ng pagkakaloob ng mas maraming kapital para sa mas malaking margin requirement, ang pag-scale in ng posisyon sa iba’t ibang presyo at paggamit ng iba’t ibang stop loss levels ay nangangahulugang nakakalat ang risk ng pagkalugi sa trade, na nagpapababa sa posiblidad ng margin call (kumpara sa pagbubukas ng isang malaking posisyon agad-agad).

5. Alamin nyo kung ano ang ginagawa nyo bilang trader.

Karaniwan marinig ang mga noob traders na nababanga ng margin call at di alam kung bakit nangyari ito.

Itong mga traders ang mga tipo ng trader na ang focus lang ay kung magkano ang pwede nilang kitain at wala talagang alam sa ginagawa nila at hindi nauunawaan ang panganib ng trading.

Wag kang maging ganitong trader.

Prioritize mo dapat ang risk management kaysa sa kita.

Ang risk management ay malaking topic, kaya detalyado naming tinalakay ito dito.

Conclusion

Kaya narito ang limang paraan para makatulong sa iyo na maiwasan ang margin call.

Tutukan ang currency pairs na tintrade at ang kanilang margin requirements.

Alamin kung kailan mag-cut ng losses para makapag-trade ulit kinabukasan.

Intindihin ang volatility at maging alerta sa mga balita at events na maaaring mag-trigger ng price volatility spikes na posibleng ilagay ang account mo sa panganib ng margin call.

Tandaan, bilang trader, dapat mong laging i-prioritize ang risk management kaysa sa profits.