Ano ang Balanse ng Account?

Ano ibig sabihin ng “Account Balance”?

Bago ka makapagsimula sa trading ng forex, kailangan mong magbukas ng account sa isang retail forex broker o CFD provider.

Kapag na-approve na ang account mo, puwede ka nang mag-transfer ng pondo sa account.

Ang bagong account na 'to ay dapat i-fund lang ng “risk capital”, na kung tawagin ay pera na handa kang mawala.

Ang “Account Balance” o simpleng “Balance” ay ang panimulang balanse ng account mo.

Basically, ito ang halaga ng PERA sa account mo.

Ganito mo isipin:

Balance = Cash

Ang Balance mo ay ang sukatan ng dami ng pera sa trading account mo.

Kung mag-deposit ka ng $1,000, ang Balance mo ay magiging $1,000.

Kapag nag-open ka ng bagong trade o sa salitang trader, “open a new position”, hindi maaapektuhan ang account balance mo hangga't di mo isinasara ang position.

Ibig sabihin, mababago lang ang Balance mo sa isa sa tatlong paraan:

1. Kapag nagdagdag ka ng karagdagang pondo.
2. Kapag nagsara ka ng posisyon.
3. Kapag inopen mo ang posisyon mo overnight at nagbayad o natanggap ang swap/rollover fee.

Since itong topic ay tungkol sa margin, ang swap at rollover ay medyo hindi related pero para maging kumpleto, ie-explain namin kasi nakakaapekto ang swap fees sa Balance mo.

Malaman mo lang na may pagkakaiba ang trade na ilang oras lang at trade na inopen mo ng overnight.

Ang proseso ng paglipat ng mga open positions mula sa isang trading day sa isa pa ay tinatawag na rollover.

Karamihan sa mga brokers ay automatic na pinapalitan ang mga open positions sa katapusan ng araw, habang sabay-sabay na nagbubukas ng kaparehong posisyon para sa susunod na business day.

Sa ganitong rollover, kino-compute ang swap.

Ang isang swap ay isang FEE na binabayaran o sinisingil sa'yo sa katapusan ng bawat trading day kung i-keep mo ang trade mo overnight.

Kapag nabayaran ka ng swap, dinadagdag ang cash sa Balance mo.

Kung ikaw naman ang siningil ng swap, kinakaltasan ng cash ang Balance mo.

Maliban kung sobrang lalaki ng sizes ng position na tinatrade mo, kadalasan maliit lang ang swap fees pero pwedeng lumaki over time.

Sa MetaTrader, makikita mo ang swaps sa mga open positions mo (kung inopen mo ito ng mahigit 1 araw) sa pamamagitan ng pagbuak ng “Terminal” window at pag-click sa “Trade” tab.

Ang konsepto ng swap at rollover ay lumalampas na sa sakop ng lesson na ito at hindi na ito didiscuss further, pero gusto lang naming madiscuss ito ng bahagya para sa katumpakan.

Ngayon na alam na natin kung ano ang ibig sabihin ng Balance, magmove on na tayo sa pag-unawa sa mga konsepto ng “Unrealized P/L” at “Realized P/L” at paano ito nakakaapekto sa Balance mo.