Ano ang Stop Out Level?

Anong ibig sabihin ng “Stop Out Level” o “Stop Out”?

Ang Stop Out Level ay parang Margin Call Level na tinalakay sa nakaraang lesson, pero mas malala ito!

Sa forex trading, ang Stop Out Level ay kapag ang Margin Level mo ay bumagsak sa isang tiyak na porsyento (%) kung saan isa o lahat ng iyong mga open positions ay awtomatikong isinasara (“liquidated”) ng iyong broker.

Nangyayari itong liquidation dahil hindi na kayang suportahan ng trading account ang mga open positions dahil sa kakulangan ng margin.

Sa madaling salita, ang Stop Out Level ay kapag ang Equity ay mas mababa sa tiyak na porsyento ng iyong Used Margin.

Kapag naabot ang antas na ito, awtomatikong sisimulan ng broker mong isarado ang mga trade mo, simula sa pinaka-malungkot.

Pag ang Margin Level mo ay nasa o ibaba ng Stop Out Level, isasara ng broker ang ilan o lahat ng mga open positions mo sa lalong madaling panahon para protektahan ka mula sa posibleng karagdagang pagkalugi.

Ang tawag sa pagsasara ng mga positions mo ay Stop Out.

Tandaan na ang Stop Out ay hindi isang choice. Kapag nagsimula na ang liquidation process, di na ito pwedeng pigilan kasi automated na siya.

Ang customer support team ng broker mo ay malamang hindi ka matutulungan, maliban na lang kung pakikinggan lang nila ang iyak mo habang nakatelepono ka.

Ang Stop Out Level ay kilala rin bilang Margin Closeout Value, Liquidation Margin, o Minimum Required Margin.

Example: Stop Out Level sa 20%

Sabihin nating ang forex broker mo ay mayroong Stop Out Level sa 20%.

Ang ibig sabihin nito ay awtomatikong isasara ng trading platform mo ang position mo kapag ang Margin Level mo ay umabot ng 20%.

Stop Out Level = Margin Level @ 20%

Ipagpatuloy natin ang halimbawang ito mula sa nakaraang lesson, What is a Margin Call Level?

Nakareceive ka na ng isang Margin Call nung ang Margin Level ay umabot ng 100% pero nagdesisyon ka pa ring hindi magdeposito ng mas maraming funds kasi iniisip mong babalik ang market.

Hindi ka lang pala mahina mag-trade, maloko ka pa rin. Mahina at malokong trader.

Kahit ano pa man, ang iyong mahina at malokong pagkatao ay napagkakamalian... big time.

Tuloy-tuloy lang ang pag-bagsak ng market.

Nasa ika-960 pips pababa ka na.

Sa $1/pip, may floating loss ka na ngayon na $960!

Ibig sabihin, ang iyong Equity ay $40 na lang.

Equity = Balance + Floating P/L

$40 = $1000 - $960

Ang Margin Level mo ngayon ay 20% na lang.

Margin Level = (Equity / Used Margin) x 100%

20% = ($40 / $200) x 100%

*Hindi pwedeng bumaba ang Used Margin sa $200 kasi yun ang Required Margin na kailangan para i-open yung position initially.

Pagnasa ganitong sitwasyon, ang position mo ay automatic na isasara (“liquidated”).

Kapag ang position mo ay isinara, ang Used Margin na naka-lock ay mare-release.

Ito ay magiging Free Margin.

Kahit pa paano, malungkot pa rin ang end result nito para sa iyo.

Ang floating loss mo na $960 ay magiging “realized”, at ang bagong Balance mo ay $40!

Kasi wala ka nang open trades, ang Equity at Free Margin mo ay magiging $40.

Ganito ang magiging hitsura ng account metrics mo sa trading platform sa bawat Margin Level threshold:

	Margin Level	Equity	Used Margin	Free Margin	Balance	Floating P/L
Margin Call Level	100%	$200	$200	$0	$1,000	-$800
Stop Out Level	20%	$40	$200	$0	$1,000	-$960
Stop Out (Liquidation)	–	$40	–	$40	$40	–

Kapag nangyari sa iyo ang Stop Out at nakita mo ang aftermath sa account mo, ganito ang pakiramdam ng mga mata mo...

Kung marami kang open positions, ang madalas na ginagawa ng broker ay isinasara muna ang pinakamalaking talo.

Bawat position na isinara ay nagre-“release” ng Used Margin, na nagtataas ng Margin Level mo.

Pero pag hindi pa rin sapat ang pagsasara para maibalik sa 20% ang Margin Level, patuloy na isasara ng broker mo ang positions hanggang sa ito ay ma-accomplish.

Ang Stop Out Level ay ginawa para pigilan kang matalo nang higit pa sa na-i-deposit mo.

Kapag tumuloy-tuloy ang pag-katalo ng trade mo, eventually, wala nang matitira sa account mo at baka umabot ka pa sa negative account balance!

Kaysa namin nakakatakot na katok mula sa broker na dala baseball bat para kolektahin ang unpaid balance, ang Stop Out ay parang... STOP... para di maging negative ang Balance mo.

Paano kung marami akong open positions?

Ang example sa taas ay para sa iisang position lang na tinrade mo. Pero paano kung marami kang OPEN positions?

Hmmmm.

Mukhang enjoy ka sa pagsusugal kaya eto ang example kung paano gagana yung liquidation process kung may dalawa o higit pang open positions ka.

Meron ngang sariling proseso ang bawat broker, kaya siguraduhin mong alamin mo spesipikong paraan ng liquidation sa kanila.

PERO ito ay isang kilalang paraan at magbibigay ito ng magandang idea kung anong klaseng horror ang pwede mong maranasan kung SOBRA laki ng trading mo.

Halimbawa, ang Stop Out level ay nasa 100%.

Sakaling bumaba ang Margin Level sa 100% ng margin na kailangan.. maka-kakaranas ka ng AUTO LIQUIDATION ng position na may pinakamalaking unrealized loss! 😲

Kaya kung marami kang posisyon, mauunang isara ang open position na may pinakamalaking unrealized loss, sumunod ang next na may pinakamalaking talo, sumunod ang next na may pinakamalaking talo, at iba pa, HANGGANG sa bumalik sa 100% o mas mataas ang Margin Level (maintenance margin).

Depende sa laki at unrealized P&L ng open positions, lahat ng open positions mo ay pwedeng i-liquidate para lang mag-meet ang margin requirement! 😲😲😲😲😲

Tandaan, IKAW, at IKAW lamang, ang responsable sa pag-monitor ng account mo at siguraduhing na naga-alaga ka ng kailangan margin palagi para masuportahan ang iyong open positions.

Nabihan ka na. Huwag mag, “why me?” sa broker mo kapag na-auto-liquidate ang position mo.

Syempre pwede ka pa rin umiyak. Pero harap lang sa salamin. 😭

Ngayon na tinalakay na natin ang lahat ng importanteng metrics na kailangan mong malaman sa iyong trading platform, pagsamasamahin natin lahat ng natutunan mo tungkol sa margin trading at ilapat gamit ang iba’t ibang trading scenarios.