This article has been translated from English to Tagalog.
Ano ang relasyon ng Margin at Leverage?
Gamit mo ang margin para makagawa ng leverage.
Ang leverage ay yung dagdag na “trading power” na pwede mong makuha kapag gumagamit ka ng margin account.
Ang leverage ay pumapayag sa'yo na mag-trade ng posisyon na MAS MALAKI kaysa sa pera na meron ka sa iyong trading account.
Ang leverage ay naipahayag bilang isang ratio.
Ang leverage ay ang ratio sa pagitan ng aktwal na pera na meron ka at sa pera na pwede mong i-trade.
Karaniwan itong naipapakita sa “X:1” na format.
Halimbawa, kung gusto mong mag-trade ng 1 standard lot ng USD/JPY nang walang margin, kailangan mo ng $100,000 sa iyong account.Pero sa Margin Requirement na 1% lang, kailangan mo lang mag-deposito ng $1,000 sa account mo.
Ang leverage na ibibigay para sa trade na ito ay 100:1.
Narito ang mga halimbawa ng Leverage Ratios depende sa Margin Requirement:
| Currency Pair | Margin Requirement | Leverage Ratio |
| EUR/USD | 2% | 50:1 |
| GBP/USD | 5% | 20:1 |
| USD/JPY | 4% | 25:1 |
| EUR/AUD | 3% | 33:1 |
Ganito ang pag-compute ng Leverage:
Leverage = 1 / Margin Requirement
Halimbawa, kung ang Margin Requirement ay 2%, ganito ang pag-compute ng leverage:
50 = 1 / .02
Ang leverage ay 50, na naipahayag bilang ratio, na 50:1
Ganito ang pag-compute ng Margin Requirement base sa Leverage Ratio:
Margin Requirement = 1 / Leverage Ratio
Halimbawa, kung ang Leverage Ratio ay 100:1, ganito ang pag-compute ng Margin Requirement.
0.01 = 1 / 100
Ang Margin Requirement ay 0.01 o 1%.
Makikita mo, ang leverage ay may inverse relationship sa margin.
'Leverage' at 'margin' ay parehong konsepto lang pero mula sa magkaibang anggulo.
Kapag nagbukas ng posisyon ang isang trader, kailangan nilang ilagay ang maliit na porsyento ng halaga ng posisyon “in good faith”. Kapag ganito, sinasabing ang trader ay “leveraged”.Ang “fraction” na bahagi, na ipinapahayag sa porsyento, ay kilala bilang “Margin Requirement”. Halimbawa, 2%.
Ang aktwal na halaga na kailangan mong ilagay ay kilala bilang “Required Margin”.
Halimbawa, 2% ng $100,000 na posisyon ay magiging $2,000.
Ang $2,000 ay ang Required Margin para buksan ang partikular na posisyon.
Dahil nagagawa mong i-trade ang $100,000 na posisyon sa halagang $2,000 lang, ang leverage ratio mo ay 50:1.
Leverage = 1 /Margin Requirement 50 = 1 / 0.02
Forex Margin vs. Securities Margin
Ang forex margin at securities margin ay dalawang magkaibang bagay. Mahalaga ang pag-intindi sa pagkakaibang ito.
Sa mundo ng mga secuirties, ang margin ay ang pera na iyong inutang bilang bahagi ng down payment, karaniwan hanggang 50% ng price ng bibilhing stock, bond, o ETF.
Itong practice na ito ay kadalasang tinatawag bilang “buying on margin”.
Kaya kung nagte-trade ka ng stocks gamit ang margin, nangangahulugan na umutang ka ng pera mula sa stockbroker mo para makabili ng stock. Basically, isang loan mula sa brokerage firm.
Sa forex market naman, ang margin ay ang halagang pera na kailangan mong ideposito at panatilihin sa iyong trading platform kapag nagbukas ka ng posisyon.
Hindi ito down payment at HINDI ka nagma-may-ari ng underlying currency pair.
Ang margin ay maaring tingnan bilang isang good faith deposit o collateral na ginagamit upang masiguro na ang bawat party (buyer at seller) ay maaabot ang kanilang mga obligasyon sa kasunduan.
Hindi katulad ng margin sa stock trading, ang margin sa forex trading ay hindi kailangan inutang na pera.
Kapag nagte-trade ka ng forex, wala talagang binibili o ibinebenta, kundi ang agreement (o kontrata) para bumili o magbenta lang ang pinalitan, kaya hindi na kinakailangan ang pag-utang.
Ang terminong “margin” ay ginagamit sa iba’t ibang financial markets. Gayunpaman, may pagkakaiba sa kung paano ginagamit ang margin kapag nagte-trade ng securities kumpara sa kapag nagte-trade ng forex. Mahalaga ang pag-unawa sa pagkakaibang ito bago mag-trade ng forex.