This article has been translated from English to Tagalog.

Ang trading stress ay puwedeng maka-apekto nang masama sa trading mo kung hahayaan mong manaig ang takot at guluhin ang desisyon mo.

Pero puwede mong gawing advantage ito kapag ginamit mo ito para maging mas alerto at focused sa mga hamon sa harap mo.

Narito ang tatlong steps para matulungan kang i-handle ang trading stress:

1. I-acknowledge ito.

Ang pag-acknowledge sa stress mo ang unang hakbang para mapagtagumpayan ito. Kailangan mong aminin sa sarili mo na nakakaramdam ka ng takot, pag-aalala, o pagka-overwhelm.

Pagkatapos i-acknowledge ang feelings mo, obserbahan kung paano ka nagre-react sa stress. Nagpapanic ka ba? Naghahatid ba ito sa 'yo sa impulsive na forex trading decisions? Pinapawisan ba ang mga palad mo?

I-record mo ang emosyon, isip, at mga aksyon mo, at isulat ang mga ito sa iyong trading journal para sa future review.

2. Mag-step back

Nag-decide ka na ba ng trade dahil lang sa panic? Kung oo, siguro sang-ayon ka sa akin na ang stress madalas humahantong sa maling trading decisions.

Kapag punung-puno ng emosyon ang isip mo, malamang mahirapan kang i-clear ang isip mo at mag-focus sa mga factors na relevant sa trade mo.

Kung nasa ganitong sitwasyon ka, huminga ka ng malalim at umalis muna sa charts sandali.

Gamitin ang oras na 'to para kolektahin ang mga thoughts mo at ihiwalay ang mga emosyon na posibleng nagpapagulo sa decision-making mo.

Pwede mo ring subukang makinig ng classical music para matulungan kang mag-meditate at mag-isip nang malinaw. Si Pip Diddy ay naniniwala sa strategy niya na matulog ng sandali, kasi nagigising siyang refreshed at mas focused.

3. Tukuyin ang source ng stress mo.

Ano ang dahilan kung bakit ka stressed? Mas mabilis mong mahanap ang source ng stress mo, mas mabilis mo itong ma-address at/o maalis.

Sa pagtukoy ng source ng stress mo, malalaman mo kung may basehan ba ang anxiety mo. Tanungin ang sarili mo ng mga sumusunod na katanungan:

  • Nagbago ba ang market conditions na nagpapawalang-bisa sa trade idea ko?
  • Tumaas ba ang mga panganib?
  • Sa kasalukuyang sitwasyon, dapat nga ba akong ma-stress?

Kung minsan, kailangan lang ng objective na pag-assess sa sitwasyon para malinawan ka at mailagay sa tamang perspektibo ang mga bagay.

Sa ilang kaso, ang pagtukoy sa sanhi ng stress mo ay makakatulong para maiwasan ito sa hinaharap. Halimbawa, kung napapansin mong madalas kang natatalo sa takot at gumagawa ng impulsive na desisyon kapag nagte-trade ng news, maaaring isara mo muna ang trades mo bago ang major events sa hinaharap.

Ang stress ay bahagi ng forex trading, dahil laging may risk na matalo.

Ang mahalaga ay marunong kang mag-react sa stress sa tamang paraan; iyan lang talaga ang kaya mong kontrolin. Pagkatapos ng lahat, ang stress ay pwedeng magdala ng maganda o masamang resulta depende sa kung paano mo ito hinaharap.