This article has been translated from English to Tagalog.
Isa sa mga sweet na paraan para gamitin ang moving averages ay para makatulong sa 'yo na malaman ang trend.
Ang pinaka-simpleng paraan ay maglagay lang ng isang moving average sa chart.
Kapag ang galaw ng presyo ay laging nasa itaas ng moving average, ibig sabihin nito ay nasa general na UPTREND.
Kung ang galaw ng presyo naman ay laging nasa ibaba ng moving average, ibig sabihin nasa DOWNTREND.
Ang problema dito, masyado itong payak.
Sabihin natin na ang USD/JPY ay nasa downtrend, pero biglang nagkaroon ng balita na nagpasipa pataas dito.
Nakikita mo na ang presyo ay nasa ITAAS ng moving average. At iniisip mo:
“Hmmmm...Mukhang magpapalit direksyon na 'to. Oras na para i-buy si suckerrrr!”
Kaya ginawa mo nga 'yon. Bumili ka ng bilyon units kasi kumpiyansa ka na ang USD/JPY ay tataas.
Bammm! Na-fake out ka!
Naalaman mo na ang mga traders pala ay nag-react lang sa news pero tuloy pa rin pala ang trend at ang presyo ay bumabagsak!
Ang ginagawa ng ibang traders, at sinasuggest din namin sa 'yo, ay gumamit ng dalawang moving averages sa kanilang charts kaysa isa lang.
Nakakatulong ito na mabigyan sila ng mas malinaw na signal kung may pagtaas o pagbaba kaya naaayon sa pagkakasunod ng moving averages.
I-eksplika natin.
Sa isang uptrend, ang “mas mabilis” na moving average ay dapat nasa itaas ng “mas mabagal” na moving average, at kapag downtrend, baliktad.
Halimbawa, gamitin natin ang dalawang MAs: ang 10-period MA at ang 20-period MA. Sa chart mo, ganito ang itsura:
Nasa itaas ang daily chart ng USD/JPY.
Sa kabuuang uptrend, ang 10 SMA ay nasa itaas ng 20 SMA.
Tulad ng nakikita mo, magagamit mo ang moving averages para makatulong malaman kung ang isang currency pair ay umaakyat o bumababa.
Sa kombinasyon ng kaalaman mo sa trend lines, makakatulong ito sa 'yo na magdesisyon kung mag-go long o mag-short para sa isang currency pair.
Puwede mo rin subukan na ilagay ang higit sa dalawang moving averages sa chart mo.
Basta't nasa tamang ayos (mas mabilis na MA nasa itaas ng mas mabagal na MA sa uptrend, mas mabagal na MA nasa itaas ng mas mabilis na MA sa downtrend), malalaman mo kung nasa uptrend o downtrend ang pair.