Paano Mag-Analisa ng Trends Gamit ang Moving Average Ribbons

Ano ang tinatawag na moving average ribbon?

Ang moving average ribbon ay isang hanay ng moving averages na may iba't ibang haba na makikita sa isang chart.

Ang basic na idea ng “moving average ribbons” ay imbes na isa o dalawang moving averages ang gamitin sa chart, gagamit ka ng maraming moving averages, kadalasan nasa pagitan ng 6 hanggang 16 (o mas marami pa).

Lahat 'yan sa iisang chart.

O, tingnan natin ang example...

Maaaring malaman ng mga traders ang lakas ng isang trend sa pamamagitan ng pagtingin sa smoothness ng ribbon, at kapansin-pansin din ang mga mahalagang support o resistance areas kapag inaalam ang presyuhan sa relasyon nito sa ribbon.

Paano I-set Up ang Isang Moving Average Ribbon

Isang karaniwang tanong ay “Ilang moving averages ang gagamitin ko?”

Depende talaga yan sa trader.

May mga traders na gusto gumamit ng anim hanggang walong simple moving averages (SMA) na naka-set sa 10-period intervals, tulad ng 10, 20, 30, 40, 50, at 60-day SMAs.

Yung iba naman, gusto ng SIXTEEN (o higit pa) simple moving averages mula 50-day hanggang 200-day SMA at lahat ng nasa pagitan.

Ang argumento para sa paggamit ng mas mahahabang MAs ay nagbibigay ito ng mas tumpak na tingin sa pangkalahatang trend.

Mayroon namang mga traders na mas gusto ang exponential moving averages kaysa sa simple moving averages.

So, preference lang talaga yan.

Ang response ng moving average ribbon ay maaaring i-adjust sa pamamagitan ng:

• Pagpalit ng number of time periods na ginagamit sa moving average
• Pagpalit ng uri ng moving average mula sa simple moving average (SMA) papunta sa exponential moving average (EMA)

Pag mas maikli ang bilang ng periods na ginagamit kapag pinipili ang mga MAs para idagdag sa iyong chart, mas sensitive ang moving average ribbon sa maliliit na pagbabago ng presyo.

Kapag gumagamit ka ng moving averages na may mas maraming periods (tulad ng 200), mas hindi ito sensitibo at mas makinis ang resulta nito.

Paano Mag-Trade gamit ang Moving Average Ribbons

1. Ang EXPANDING moving average ribbon ay nagpapahiwatig ng posibleng pagtatapos ng isang trend.

Kapag ang moving averages ay nagsimulang maghiwalay o lumawak, na tinatawag na ribbon “expansion”, ito ay indikasyon na ang kamakailang direksyon ng presyo ay umabot na sa isang extreme at maaaring ito na ang katapusan ng isang trend.

Isipin mo na parang bawat moving average ay magnet at nahahatak sila sa isa't isa.

Ayaw nilang maglayo ng matagal. Kaya kapag nangyari yun, nais nilang makalapit uli.

2. Ang CONTRACTING moving average ribbon ay nagpapahiwatig ng posibleng pagbabago ng trend.

Kapag ang moving averages ay nagsisimulang maglapit o mag-converge, na tinatawag na ribbon “contraction”, maaaring nagsimula na ang isang trend change.

Pagkatapos ng matinding paggalaw ng presyo sa isang direksyon, mapapansin mo unang magco-converge ang mas maikling term na moving averages. Unti-unti namang magco-converge ang mas mahahabang moving averages.

3. Ang PARALLEL moving average ribbon ay nagpapahiwatig ng matibay na trend.

Kapag ang moving average ribbons ay parallel at pantay-pantay ang layo, ibig sabihin malakas ang kasalukuyang trend.

Mukhang nagkakasundo lahat ng moving averages dahil gumagalaw sila nang sabay-sabay.

Bantayan ang laki ng puwang sa pagitan ng Moving Averages

May ibang traders na nadadala sa pagtutok lang kapag nagkakaroon ng "cross over" o "twist" ang moving averages.

Kahit importante ang pagmamasid kapag ang short-term moving averages ay nauuna (o naiiwan) sa long-term moving averages, importante din ang pagbabantay sa SPACING sa pagitan ng moving averages.

Ang posisyon ng short-term moving averages kumpara sa long-term moving average ay nagpapakita ng DIRECTION ng trend (pababa, neutral, pataas).

Ang spacing sa pagitan ng moving averages ay nagpapakita ng LAKAS ng trend (mahina, neutral, malakas).

Moving Average Ribbon Example

Silipin natin ang moving average ribbon na inilapat sa GBP/USD sa isang 1-hour chart.

Nakikita niyo ba ang mga pagbabago sa trends?

Sa chart sa itaas, madali mong mapapansin ang bullish o bearish trends sa pamamagitan ng pagtingin kailan nag-cross over o “twist” paibaba o paitaas ang moving averages.

Ang ribbon expansion o ang paglawak ng spacing sa pagitan ng moving averages ay nagmumungkahi ngtapos na ang kasalukuyang trend.

Ang ribbon contraction o ang pag-ipit ng spacing sa pagitan ng moving averages ay nagmumungkahi ngsimula ng bagong trend.