Mga Batayang Japanese Candlestick Patterns

Ano bang common sa spinning tops, marubozus, tsaka dojis?

Eh 'di sila lahat ay ang mga basic na klase ng Japanese candlesticks!

Tara, tingnan natin isa-isa ang mga klaseng candlestick at ang kanilang ibig sabihin sa usapang presyo.

Spinning Tops

Ang mga Japanese candlesticks na may mahaba na upper at lower shadow, na may maliit na totoong katawan ay tinatawag na spinning tops. Yung kulay ng totoong katawan hindi masyadong mahalaga.

Ang Spinning Top pattern ay nagpapahiwatig ng indesisyon sa pagitan ng mga buyer at seller.

Yung maliit na totoong katawan (kahit na butas o puno) ay nagpapakita ng kaunting galaw mula sa bukas hanggang sa sarado, at ang mga shadow ay nagpapakita na parehong naglaban ang mga buyers at sellers pero walang nagtagumpay.

Kahit na ang session ay nagsimula at nagtapos na may kaunting pagbabago, malaki ang itinaas at ibinaba ng presyo sa pagitan nito.

Wala talagang nakalamang ang mga buyer o seller, ang resulta ay tabla.

• Kapag ang spinning top ay nag-form sa pataas na trend, madalas itong nangangahulugang wala nang masyadong buyer at posibleng magbago ng direksyon ang trend.
• Kapag ang spinning top ay nag-form sa pababang trend, madalas itong nangangahulugang wala nang masyadong seller at posibleng magbago ng direksyon ang trend.

Marubozu

Parang voodoo magic, 'di ba? “Itatatak ko sa’yo ang sumpa ng Marubozu!”

Pwera biro, hindi yun ang ibig sabihin. Marubozu ay walang shadow mula sa katawan.

Ang salitang “marubozu” ay ang ibig sabihin ay “kalbo” or “shaved head” sa Japanese.

Kaya ang Marubozu candlestick ay isang kalbo o shaven na kandila na nangangahulugang wala itong shadow o wick.

Depende kung puno o butas ang katawan ng candlestick, ang taas at baba ay katulad ng buka o sarado nito.

Tingnan ang dalawang klase ng Marubozus sa larawan sa ibaba.

Ang White Marubozu ay may mahabang puting katawan na walang shadow. Ang open price equals the low price at ang close price equals the high price.

Ibig sabihin nito, nagbukas ang candlestick sa pinakamababang presyo at nagsara sa pinakamataas na presyo.

Isa itong sobrang bullish na kandila kasi ipinapakita nito na kontrolado ng mga buyers ang buong session. Madalas itong maging unang bahagi ng bullish continuation or bullish reversal pattern.

Ang Black Marubozu ay may mahabang itim na katawan na walang shadow. Ang open equals the high at ang close equals the low.

Ibig sabihin, nagbukas ang kandila sa pinakamataas na presyo at nagsara sa pinakamababang presyo.

Isa itong sobrang bearish na kandila kasi ipinapakita nito na kontrolado ng mga sellers ang price action buong session. Madalas nitong ipahayag ang bearish continuation or bearish reversal.

Depende kung saan matatagpuan ang isang marubozu at ang kulay nito, narito ang ilang guidelines:

White Marubozu

• Kung may White Marubozu sa dulo ng pataas na trend, malamang na magtutuloy-tuloy ito.
• Kung may White Marubozu sa dulo ng pababang trend, malamang na magkakaroon ng pagbabaliktad.

Black Marubozu

• Kung may Black Marubozu sa dulo ng pababang trend, malamang na magtutuloy-tuloy ito.
• Kung may Black Marubozu sa dulo ng pataas na trend, malamang na magkakaroon ng pagbabaliktad.

Doji

Ang Doji candlesticks ay may parehong open at close na presyo o kahit na ang kanilang katawan ay sobrang ikli. Ang Doji ay dapat may sobrang maliit na katawan na parang manipis na linya.

Ang Doji candles ay nagpapahiwatig ng indesisyon o labanan sa pagbili at pagbebenta.

Ang presyo ay gumagalaw pataas at pababa ng open price sa session pero bina-bago ito o halos hindi natapos sa open price.

Walang buyer o seller ang nakalamang, at sa dulo tabla ang labanan.

May APAT na espesyal na klase ng Doji candlesticks.

Ang haba ng upper at lower shadows ay maaaring magbago at ang kalalabasang forex candlestick ay magmukhang cross, inverted cross, o plus sign.

Ang salitang “Doji” ay pareho ang gamit sa singular at plural na anyo.

Kapag may Doji na lumabas sa iyong tsart, pansinin ang mga naunang candlesticks.

Kung may Doji pagkatapos ng serye ng candlestick na may mahahabang butas na katawan (parang White Marubozus), ang Doji ay nagsasaad na ang mga buyers ay nauubos at humihina.

Para umakyat pa ang presyo, kailangan ng mas marami pang buyers pero wala na eh! Siguradong andiyan na ang mga sellers na naghihintay para makapagpababa ng presyo ulit.

Kung may Doji pagkatapos ng serye ng candlesticks na may mahabang puno katawan (parang Black Marubozus), ang Doji ay nagsasaad na ang mga sellers ay nauubos at humihina.

Para bumagsak pa ang presyo, kailangan ng mas marami pang sellers pero tapos na sila! Nag-aagawang sumugod ang mga buyers para makapag-invest nang mas mura.

Habang nawawalan ng bangis ang pagbagsak dahil kulang sa bagong sellers, kailangan ng lakas ng pagbili para magpatunay ng anumang pagbabaliktad.

Hanapin ang isang puting kandila na magsasara sa ibabaw ng bukas ng mahabang itim na kandila.

Sa mga susunod na aralin, tutuklasin natin ang mga partikular na pattern ng Japanese candlestick at kung ano ang sinasabi nila sa atin.

Sana naman, by the end ng lesson natin sa Japanese candlesticks, makikilala mo na iba't ibang uri ng candlestick patterns at makakapag-decision ka na ng tama sa trading base rito.