Triple Candlestick Patterns

Alin pa bang mas maganda sa dual candlestick patterns?

TRIPLE candlestick patterns!

Para ma-identify ang mga triple Japanese candlestick patterns, kailangan mong hanapin yung mga specific formations na binubuo ng tatlong candlesticks sa kabuuan.

Itong mga candlestick formations ay tumutulong sa mga traders para malaman kung ano ang magiging galaw ng presyo sa susunod.

Yung ibang three candlestick patterns ay mga reversal patterns, na nagse-signal ng pagtatapos ng kasalukuyang trend at simula ng bagong trend sa kabaligtaran direksyon.

Habang yung iba namang three candlestick patterns ay continuation patterns, na nagse-signal ng pansamantalang paghinto at pagkatapos ay pagpapatuloy ng kasalukuyang trend.

Tara, tingnan natin ang popular na triple Japanese candlestick patterns.

Evening at Morning Stars

Ang Morning Star at ang Evening Star ay mga triple candlestick patterns na madalas mong makikita sa dulo ng isang trend.

Ang mga ito ay reversal patterns na makikilala sa pamamagitan ng tatlong katangian.

Gagamitin natin ang Evening Star Pattern sa kanan bilang halimbawa ng maaari mong makita:

1. Ang unang candlestick ay isang bullish candle, na bahagi ng kasalukuyang uptrend.
2. Ang ikalawang candle ay may maliit na katawan, na nagpapakita na puwedeng may pag-aalinlangan sa merkado. Pwedeng bullish o bearish itong kandila.
3. Ang ikatlong candlestick ay nagsisilbing kumpirmasyon na may naganap na reversal, dahil ang kandila ay nagsara lagpas sa kalagitnaan ng unang kandila.

Three White Soldiers at Black Crows

Ang Three White Soldiers pattern ay nabubuo kapag tatlong mahahabang bullish candles ang sumunod sa isang DOWNTREND, na nagse-signal na may nangyaring reversal.

Ang ganitong klaseng triple candlestick pattern ay itinuturing bilang isa sa pinaka-mapangahas at mayabang na bullish signals, lalo na kapag ito ay naganap pagkatapos ng matagal na downtrend at isang maikling panahon ng konsolidasyon.

Ang una sa mga “three soldiers” ay tinatawag na reversal candle. Pwede nitong tapusin ang downtrend o ipakita na tapos na ang panahon ng konsolidasyon na sumunod sa downtrend.

Para ang Three White Soldiers pattern ay ma-konsiderang valid, ang ikalawang candlestick ay dapat mas malaki kaysa sa katawan ng naunang kandila.

Dapat din ang ikalawang candlestick ay magsara malapit sa taas nito, na may maliit o wala halos na upper wick.

Para makumpleto ang Three White Soldiers pattern, ang huling candlestick ay dapat kasing laki man lang ng ikalawang kandila at may maliit o walang anino.

Ang Three Black Crows candlestick pattern ay kabaliktaran lang ng Three White Soldiers.

Nabubuo ito kapag tatlong bearish candles ang sumunod sa isang malakas na UPTREND, nagpapakita ito ng palatandaan ng papalapit na reversal.

Ang katawan ng ikalawang kandila ay dapat mas malaki kaysa sa unang kandila at dapat magsara malapit sa baba nito.

Siyempre, ang pangatlong kandila ay dapat kapareho o mas malaki ang sukat kumpara sa katawan ng ikalawang kandila na may maliit o walang lower shadow.

Para ang Three Black Crows pattern ay makumpleto, ang huling candlestick ay dapat kasing laki o mas malaki kaysa sa ikalawang kandila at may maliit o walang anino.

Three Inside Up at Down

Ang Three Inside Up candlestick formation ay isang trend-reversal pattern na makikita sa ibaba ng isang DOWNTREND.

Ang ganitong klase ng triple candlestick pattern ay nagpapahiwatig na maaaring tapos na ang downtrend at na simula na ng bagong uptrend.

Para sa isang wastong three inside up candlestick formation, hanapin ang mga katangiang ito:

1. Ang unang kandila ay dapat makita sa ibaba ng isang downtrend at kinikilalang may mahabang bearish candlestick.
2. Ang pangalawang kandila ay dapat umabot hanggang sa kalagitnaan ng unang kandila.
3. Ang ikatlong candlestick ay kailangan magsara pataas sa taas ng unang kandila upang kumpirmahin na nalagpasan ng mga nagbebenta ang lakas ng downtrend.

Samantala, ang Three Inside Down candlestick formation ay makikita naman sa itaas ng isang UPTREND.

Nangangahulugan ito na posibleng tapos na ang uptrend at may simula na ng bagong downtrend.

Ang isang Three Inside Down candlestick formation ay kailangang mayroong mga sumusunod na katangian:

1. Ang unang kandila ay dapat makita sa itaas ng isang uptrend at kinikilalang may mahabang bullish candlestick.
2. Ang pangalawang kandila ay dapat bumaba hanggang sa kalagitnaan ng unang kandila.
3. Ang ikatlong candlestick ay kailangan magsara pababa sa baba ng unang kandila upang kumpirmahin na nalagpasan ng mga nagbebenta ang lakas ng uptrend.