Fibonacci Trading

Gagamitin natin ang Fibonacci ratios madalas sa trading natin kaya dapat matutunan mo ito at mahalin parang lutong bahay ng nanay mo.

Ang Fibonacci ay malawak na paksa at madaming iba't ibang pag-aaral na may mga pangalan na may pagkahilo-hilo pero para hindi tayo mawala, dalawa lang ang aatupagin natin: retracement at extension.

Simulan muna natin sa pagpapakilala sa Fib guru mismo… si Leonardo Fibonacci.

Hindi, hindi siya isang sikat na chef. Siya ay isang tanyag na Italian mathematician, kilala rin na super-duper uber ultra geek.

Na-discover niya ang simpleng series ng mga numero na naglalaman ng ratios na nagdedetalye sa natural proportions ng mga bagay-bagay sa universe.

Ang ratios ay mula sa number series na ito: 0, 1, 1, 2, 3, 5, 8, 13, 21, 34, 55, 89, 144…

Ang series ng numbers na ito ay nabuo sa pamamagitan ng pagsisimula sa 0 kasunod ang 1 at saka pagdaragdag ng 0 + 1 para makuha ang 1, ang pangatlong numero.

Tapos, idadagdag ang ikalawa at ikatlong numero (1 + 1) para makuha ang 2, ang pang-apat na numero, at patuloy nang patuloy.

Pagkatapos ng ilang numero sa sequence, kung kukuhain mo ang ratio ng kahit anong numero sa mas mataas na sumunod na numero, makukuha mo ang .618.

Halimbawa, ang 34 divided by 55 ay .618.

Kunin mo ang ratio sa mga numerong tatalon-talon, makukuha mo ang .382.

Halimbawa, ang 34 divided by 89 = 0.382 .

Iyan na yung experience mo sa Fibonacci Sequence!

Fibonacci Sequence

Ang Fibonacci sequence ay nabubuo sa pagsasama ng dalawang numero, kahit anong dalawang numero, at pagdaragdag nito para makabuo ng pangatlong numero.

Pagkatapos, idadagdag ulit ang pangalawa at pangatlong numero para makabuo ng pang-apat na numero.

At pwede mo itong ipagpatuloy hanggang sa hindi ka na enjoy.

Ang ratio ng huling numero sa ikalawa-sa-huling numero ay halos katumbas ng 1.618.

Makikita ang ratio na ito sa marami sa mga natural na bagay, kaya tinatawag itong golden ratio.

Lumalabas ito sa geometry, art, architecture, at kahit sa Sonic the Hedgehog.

Ang golden ratio ay irrational number talaga, katulad ng pi, at madalas na kinakatawan ng Greek letter, phi (φ).

Okay, 'wag na tayong magpaka-abot sa mga noods.

Sa dami ng numerong 'yan, pwede mo nang malagay sa tulog ang isang elepante. Lumipat na tayo sa importante; ito ang mga ratios na kailangan mong alam:

Fibonacci Retracement Levels

0.236, 0.382, 0.618, 0.764

Fibonacci Extension Levels

0, 0.382, 0.618, 1.000, 1.382, 1.618

Hindi mo naman kailangang malaman kung paano i-calculate lahat ito. Hayaan mo na ang charting software mo na magtatrabaho para sa'yo.

Pero magandang pamilyar ka sa basic theory sa likod ng indicator para naman mapahanga mo sa date

Ang Fibonacci retracement levels ay nagtatrabaho batay sa theory na pagkatapos ng malalaking paggalaw ng presyo sa iisang direksyon, magri-retrace o babalik ang presyo sa parteng malapit sa dating price level bago ituloy ang orihinal na direksyon.

Ginagamit ng mga trader ang Fibonacci retracement levels bilang potensyal na support and resistance areas.

Dahil marami ring traders ang tumitingin sa mga parehong levels at naglalagay ng buy at sell orders sa mga ito para mag-enter ng trades o mag-place ng stops, nagiging self-fulfilling prophecy ang support at resistance levels.

Ginagamit ng mga traders ang Fibonacci extension levels bilang profit-taking levels.

At, dahil marami ring traders ang tumututok sa mga levels na ito para bumis ng orders at mag-take ng profits, madalas gumagana ang tool na ito dahil sa self-fulfilling expectations.

Karamihan ng charting software ay kasama na ang parehong tools sa Fibonacci retracement levels at extension levels.

Para ma-apply ang Fibonacci levels sa mga charts mo, kailangan mong tukuyin ang Swing High at Swing Low points.

Ang isang Swing High ay candlestick na may hindi bababa sa dalawang lower highs sa parehong kaliwa at kanan ng sarili nito.

Ang isang Swing Low ay candlestick na may hindi bababa sa dalawang higher lows sa parehong kaliwa at kanan ng sarili nito.

Nakuha mo na lahat 'yan? 'Wag mag-alala, e-explain natin sa mga susunod na lessons kung paano ang retracements, extensions, at higit sa lahat, kung paano ang pangkaldagan gamit ang Fibonacci tool.