Paano Gamitin ang Fibonacci para Ilagay ang Iyong Stop para Mas Kaunti ang Iyong Mawalan ng Pera

Malamang, kasing mahalaga malaman kung saan papasok o mag-a-take ng profits ay malaman kung saan ilagay ang stop loss.

Hindi ka pwedeng basta na lang pumasok sa trade batay sa Fib levels nang walang kaalaman kung saan lalabas.

Mapupunta lang account mo sa kapahamakan at lagi mong sisisihin si Fibonacci, habang binibitawan mo ang kanyang pangalan sa Italian.

Sa lesson na 'to, matututo ka ng ilang techniques para i-set ang iyong stops kapag napagpasyahan mong gamitin ang trusty Fib levels nila manong Fibonacci.

Ito ang mga simpleng paraan para i-set ang stop mo at ang paliwanag sa likod ng bawat metodo.

Method #1: Ilagay ang Stop Justo Lagpas sa Susunod na Fib

Ang unang metodo ay ilagay ang stop mo just past sa susunod na Fibonacci level.

Kung plano mong pumasok sa 38.2% Fib level, ilalagay mo ang stop mo lagpas sa 50.0% level.

Kung feeling mo na ang 50.0% level ang magiging matibay, ilalagay mo naman ang stop mo lagpas sa 61.8% level at tuloy-tuloy na lang 'yan. Simple lang, 'di ba?

Balikan lang natin yung 4-hour EUR/USD chart na ipinakita namin sa'yo noong nasa Fibonacci retracement lesson tayo.

Kung nag-short ka sa 50.0%, pwede mong ilagay ang stop loss order mo just past sa 61.8% Fib level.

Ang reasoning sa likod ng paraang ito ng pag-set ng stops ay naniniwala kang ang 50.0% level ay magiging matibay na resistance point. Kaya kung tumaas ang presyo lagpas sa puntong ito, 'yung trade idea mo ay invalid na.

Ang problema sa paraang ito ng pag-set ng stops ay sobrang nakadepende ito sa pagkakaroon mo ng perfect entry.

Ang pag-set ng stop just past sa susunod na Fibonacci retracement level ay nag-a-assume na sobra kang kumpiyansang magiging matibay ang support or resistance area. At, tulad ng sinabi namin kanina, hindi eksaktong syensya ang paggamit ng drawing tools.

Minsan aangat ang market, maaabot ang stop mo, at sa bandang huli yun yung direksyon na gusto mo nangyari. Doon na kami sa sulok, at sisimulang ipalo ang ulo sa dingding.

Babalaan lang kita na minsan mangyayari ito, minsan pa nga ulit-ulit, kaya siguraduhing mabilis mong i-limit ang mga talo at hayaan mong kumabig ang mga panalo sa trend.

Mas maganda siguro kung gagamitin mo itong klase ng stop placement para sa short-term, intraday trades.

Method #2: Ilagay ang Stop Past sa Recent Swing High/Low

Ngayon, kung gusto mong maging medyo mas safe, isa pang paraan para i-set mo ang stops ay ilagay ito past sa recent Swing High o Swing Low.

Halimbawa, kapag ang presyo ay nasa uptrend at naka-long ka, pwede kang maglagay ng stop loss kaunti lang sa baba ng latest Swing Low na nagiging potential support level.

Kapag ang presyo ay nasa downtrend at naka-short ka, pwede kang maglagay ng stop loss sa kaunting taas ng Swing High na nagiging potential resistance level.

Ang ganitong klaseng stop loss placement ay nagbibigay ng mas maraming espasyo para makahinga ang trade mo at nagbibigay ng mas magandang tsansa para pumabor ang market sa trade mo.

Kung ang market price ay lumagpas sa Swing High or Swing Low, maaring ito'y nagbabadya na ng pag-reverse ng trend.

Ibig sabihin, ang trade idea o setup mo ay invalid na at huli ka na para tumalon pabalik.

Ang pag-set ng mas malaking stop losses ay siguro mas magagamit para sa mas mahahabang trades o swing-type, at pwede mo ring i-incorporate ito sa isang “scaling in” method, na matututunan mo rin sa susunod na lesson sa kursong ito.

Siyempre, sa mas malaking stop kailangan mo ring tandaan na ayusin ang laki ng iyong position nang tama.

Kung dati ka sa parehong laki ng position, baka magdulot ito ng malalaking talo mo, lalo na kung nakakapasok ka sa mas maagang Fib levels.

Pwede rin itong magdala ng mga di kanais-nais na reward-to-risk ratios, dahil baka meron kang malawak na stop na hindi proporsyonal sa potential na reward mo.

Alin ba ang masusustansya & higit na maganda?

Ang totoo, katulad ng pag-combine ng Fibonacci retracement tool sa support at resistance, trend lines, at candlesticks para makahanap ng mas magandang entry, mas ok kung gagamitin mo ang kaalaman mo sa mga tools na ito para i-analisa ang kasalukuyang environment at matulungan kang pumili ng magandang stop loss point.

Hangga't maaari, huwag kang umasa lang sa mga Fibonacci levels bilang support at resistance points bilang basehan sa stop loss placement.

Tandaan, ang paglalagay ng stop loss ay hindi surefire.

Pero kung magagawa mong mapabor sa'yo ang tsansa sa pamamagitan ng pag-combine ng maraming tools, makakatulong ito na mabigyan ka ng mas magandang exit point, mas magandang espasyo para makahinga ang trade mo, at baka mas magandang reward-to-risk ratio pa ito.