Short Squeeze

Ang short squeeze ay nangyayari kapag may sobrang demand at kulang na supply para sa isang partikular na financial security.

Ang nangyayari dito ay dahil sa sobrang demand, patuloy na tumataas ang presyo nang mabilis. Ang mga traders na may short positions ay nagtatangkang i-cover ang kanilang positions (ibig sabihin, isara ang kanilang positions), na maaari lang gawin sa pamamagitan ng pagbili. Habang mas marami pang traders ang naghahanap na bumili, kadalasan nakakakita tayo ng tuloy-tuloy na pag-arangkada ng presyo pataas. Sa ganitong paraan, lahat ng “shorts” ay naiipit.

Sa forex market, ang short squeeze kadalasang nangyayari pagkatapos ng malakas na mabilisang paggalaw at nakakakita tayo ng reversal.

Halimbawa, ang EUR/USD ay napunta sa long term down trend. Sa isang punto, maaaring maramdaman ng ilang traders na undervalued ang euro, na ginagawang magandang investment ito. Habang mas marami pang buyers ang pumapasok sa market, ang mga traders na may short euro positions ay nagdedesisyong mas mabuti pang isara na ang kanilang positions kaysa magtiis ng posibleng pagkalugi. Ito ay nagreresulta sa mas marami pang traders na bumibili ng euro, at lahat ng short positions ay naiipit palabas ng market.