Mga Alon ng Impulso

Si Mr. Elliott ay nagpakita na ang trending market ay gumagalaw sa tinatawag niyang 5-3 wave pattern.

Yung unang 5-wave pattern ay tinatawag na impulse waves.

Yung huling 3-wave pattern ay tinatawag naman na corrective waves.

Sa pattern na ito, ang Waves 1, 3, at 5 ay motive, ibig sabihin ay sumasabay sila sa pangkalahatang trend, habang ang Waves 2 at 4 ay corrective.

Huwag malito sa Waves 2 at 4 sa ABC corrective pattern (tatalakayin sa susunod na lesson) ha!

Tingnan muna natin ang 5-wave impulse pattern. Mas madali 'tong ma-gets kung may picture:

Medyo nakakalito pa 'no? Lagyan natin ng konting kulay ang bad boy na ito.

Ah, magnifico! Ang ganda! Gustung-gusto namin ang mga kulay, kaya kinulayan namin bawat wave kasama ang kanilang wave count.

Narito ang isang maikling deskripsyon ng nangyayari sa bawat wave.

Gagamitin natin ang stocks bilang halimbawa kasi 'yun ang ginamit ni Mr. Elliott, pero kahit ano pwede—currencies, bonds, gold, oil, o Tickle Me Elmo na mga manika.

Ang mahalaga, puwedeng i-apply ang Elliott Wave Theory sa foreign exchange market.

Wave 1

Ang pagbuo ng Wave 1 ay nagsasaad na ang dating trend ay nag-end na at may bagong trend na lumitaw.

Kung ang dating trend ay bearish, ngayon ito ay tataas. (At kung ang dating trend ay bullish, ngayon ito ay bababa.)

Karaniwan itong sanhi ng isang maliit na bilang ng mga tao na bigla na lang (sa iba't ibang dahilan, totoo man o hindi) nararamdaman na mura ang presyo ng stock kaya't ito ay magandang panahon para bumili. Ito ang nagiging sanhi ng pagtaas ng presyo.

Sa simula, mahirap makilala ang wave na ito dahil kung bearish ang dating trend, magiging negatibo pa rin ang market sentiment.

Wave 2

Ang Wave 2 ay ang unang pullback mula sa Wave 1 sa direksyon ng dating trend.

Sa puntong ito, sapat na ang dami ng mga taong nasa original na wave na naniniwalang overvalued na ang stock at kumuha ng kita.

Dahil dito, bumababa ang stock. Gayunpaman, hindi maaabot ng presyo ang dating lows bago muling ituring na bargain ang stock.

Bilang patakaran, ang Wave 2 ay hindi maaaring bumalik ng higit pa sa kabuuang taas ng Wave 1.

Wave 3

Ang Wave 3 ay karaniwang ang pinakamahaba at pinakamalakas na wave. Na-catch na ng asset ang atensyon ng mass public.

Sa Wave 3, karamihan sa mga kalahok sa merkado ay nare-realize na ang dating trend ay tapos na at ngayon ay susunod na sa bagong trend.

Mas maraming tao ang nakakaalam tungkol sa stock at gusto itong bilhin. Nagiging sanhi ito ng pagtaas ng presyo nang mas mataas at mas mataas. Ang wave na ito ay karaniwang lumalampas sa tuktok na nilikha sa dulo ng wave 1.

Sa bullish market, ang presyo sa Wave 3 ay mabilis na tumataas. Sa bearish market, kabaligtaran ang nangyayari.

Wave 4

Ang Wave 4 ay corrective at senyales na tapos na ang pinakamagandang bahagi ng paggalaw ng trend.

Nag-take profit ang mga traders kasi mahal na ulit ang asset.

Ang Wave 4 ay mahirap bilangin at maaaring tumagal upang ma-develop, ngunit sa pangkalahatan, hindi dapat mas mahaba kaysa sa nakaraang Wave 3.

Ang wave na ito ay madalas na mahina dahil karaniwan ay mas marami pa ring tao ang bullish sa stock at naghihintay na “buy on the dips“.

Wave 5

Ang Wave 5 ay ang huling galaw sa direksyon ng trend.

Sinasabi na ito ang punto kung saan karamihan ng mga tao ay nakatuon sa asset at kadalasan ay hinahatak ng hysteria.

Nagsisimula ang mga traders at investors na bumuo ng mga katawa-tawang dahilan para bilhin ang asset at pilit ka nilang kumbinsihin kapag hindi ka sang-ayon sa kanila.

Ang wave na ito ay nagmamarka sa huling bugso ng pagbili bago magsimula ang bagong trend.

Sa kalaunan, kapag lahat ng mga buyer ay napagod na, nawawala ang momentum ng presyo.

Sa puntong ito, nagiging pinaka-overpriced ang asset. Ang mga contrarian ay nagsisimula ng mag-short sa asset na siyang nag-uumpisa ng ABC pattern.

Extended Impulse Waves

Isa pang bagay na kailangan mong malaman tungkol sa Elliott Wave Theory ay ang isa sa tatlong impulse waves (1, 3, o 5) ay palaging “extended.”

Sa madaling salita, laging may isang wave na mas mahaba kaysa sa dalawa pang iba, anuman ang degree.

Ayon kay Elliott, kadalasan ay ang ika-limang wave ang extended.

Habang tumatagal, nagbago ang lumang estilo ng pag-label ng wave dahil mas marami nang tao ang nagsimulang mag-label ng ikatlong wave bilang extended.