Paano Gamitin ang Heikin Ashi Chart

Paano mo ginagamit ang Heikin Ashi?

Ngayon na natutunan mo na kung paano i-calculate ang Heikin Ashi candlesticks, pag-usapan naman natin kung paano gamitin at basahin ang Heikin Ashi candlestick chart.

Ang idea sa paggamit ng Heikin Ashi chart ay para i-filter ang market noise.

At dahil na-filter ang ingay, makikita mo na lang ang totoong trend.

Dahil ang Heikin Ashi candlesticks ay kinakalculate base sa averages, kadalasang mas maliit ang shadows (wicks) ng candlesticks kumpara sa regular Japanese candlestick.

Katulad ng regular Japanese candlesticks, sa Heikin Ashi candlestick, mas maliit (o mas maikli) ang shadow (o wick), mas malakas ang trend.

Green candle na walang lower shadow ay senyales ng malakas na UPTREND.

Red candles na walang upper shadow ay senyales ng malakas na DOWNTREND.

Ginagamit ang Heikin Ashi charts ng mga technical traders para ma-IDENTIFY ang:

• DIRECTION ng Trend
• STRENGTH ng Trend

Kaya kung ang goal mo ay makahuli ng trends at sumakay dito hangga't maaari, baka gusto mong matutunan kung paano gamitin ang Heikin Ashi chart.

Paano Gamitin ang Heikin Ashi sa Pagkuha ng Direksyon ng Trend

Ang Heikin Ashi chart ay nagpapakita ng direksyon ng trend sa pamamagitan ng color-coded candles nito.

Ang green candle ay nagsasabi na ang trend ay PATAAS. Ang red candle naman ay nagsasabi na ang trend ay PABABA.

Paano Gamitin ang Heikin Ashi sa Pagkuha ng Lakas ng Trend

Ang Heikin Ashi chart ay nagpapakita ng lakas ng trend sa pamamagitan ng pag-obserba sa shadows (o wicks).

Mapapansin mo na sa karamihan ng green candles, walang lower shadow o wick.

Baliktad sa red candles. Karamihan walang upper shadows o wicks.

Ang mga candlesticks na ito ay walang ipinapakitang shadow sa KABILANG direksyon ng trend.

Kapag walang shadow, ibig sabihin ay nasa malakas kang trend.

Kaya't ang pangunahing tinitingnan sa Heikin Ashi chart para malaman ang lakas ng trend ay candlesticks na walang shadow o wick sa kabaligtaran ng trend.

Ang candlesticks na walang shadow o wick sa isang dulo ay tinatawag ding “shaved candles“.

Nakasalalay sa kung aling dulo ang walang shadow, may pangalan ang bawat uri ng shaved candle.

Kapag walang lower shadow/wick, na kilala rin bilang “walang buntot”, ang candle ay tinatawag na “shaved bottom“.

“Shaved butt” sana mas magandang pangalan sa tingin namin. 🤣

Kapag walang upper shadow/wick, na kilala rin bilang “walang ulo”, ang candle ay tinatawag na “shaved head“.

Technically, ang kulay ng candle ay HINDI mahalaga, basta't ang isang candle ay walang buntot o ulo, pero para sa layunin ng Heikin Ashi, gusto nating makakita ng green shaved bottoms at red shaved heads dahil naghahanap tayo ng lakas ng trend.