Cardano (ADA)

Cardano ay isang decentralized na blockchain platform gamit ang proof-of-stake (PoS) consensus protocol na gumagamit ng native cryptocurrency na ADA.

Ang relasyon ng ADA at Cardano (ang blockchain) ay parang ether na native cryptocurrency na tumatakbo sa Ethereum blockchain.

Ang Cardano ay isang public blockchain, open-source ito, at dinevelop para malampasan ang mga kakulangan ng Bitcoin at Ethereum, lalo na ang kakulangan sa bilis at flexibility ng Bitcoin, at kakulangan sa scalability ng Ethereum.

Si Charles Hoskinson, co-founder ng Ethereum, ang nagsimula ng pag-develop ng platform noong 2015 pagkatapos niyang umalis sa Ethereum project.

Si Hoskinson at ang Ethereum co-founder na si Vitalik Buterin ay nagkaroon ng hindi pagkakaintindihan tungkol sa pagtanggap ng venture capital mula sa mga panlabas na investors nung mga unang araw ng Ethereum.

Si Hoskinson, noong panahon na iyon, ay ang head ng Ethereum Foundation at nag-suggest na ito'y patakbuhin bilang isang for-profit organization. Kontra si Buterin sa ideyang iyon at gusto niyang panatilihing open-source ang Ethereum.  Ang community ay pumanig din kay Buterin.

Sa huli, natalo si Hoskinson at napilitan siyang umalis sa Ethereum.

Noong 2015, nakipagtulungan si Hoskinson sa Input Output Hong Kong (IOHK) project, na nagdi-design ng scalable at secure na blockchain para sa academic institutions, corporations, at government agencies.

Ang project ay nakatuon sa paglikha ng isang Ethereum clone na nakasentro sa commerce, compliance, at computation para sa Japanese market.

Ang project ay pinalawak ang kanyang vision at nagbukas para sa global market.

Ang pangunahing selling point ng Cardano noong mga unang araw ay ang proof-of-stake (PoS) consensus nito sa panahon na parehong gumagamit ng proof-of-work (PoW) ang Bitcoin at Ethereum.

Idinisenyo ang PoS para maging mas energy efficient kaysa PoW, kung saan ang PoS ay gumagamit ng staking model habang ang PoW ay gumagamit ng computing power model.

Ang PoS ang nagva-validate ng transactions at nagmi-mint ng bagong ADA sa Cardano blockchain.

Noong 2021, sa pag-launch ng Alonzo mainnet, sa wakas ay ipinakilala ng Cardano ang smart contract capabilities, na nagtapos sa mga kritisismo na hindi maglalabas ng bagong features sina Hoskinson at mga developer ng Cardano.

Ang release ng Alonzo hard fork at ang introduction ng smart contract development at creation ay magbubukas ng hinaharap na may native decentralized applications (DApps) na binubuo sa blockchain.

Ang ADA ay isang top 10 cryptocurrency base sa market capitalization, na may $15 billion mcap noong Agosto 2022.

Ang ADA ay may max supply na 45 billion ADA, na may circulating supply na 33 billion ADA.