Metaverse

Ang metaverse ay isang future version ng Internet na kilala natin ngayon, isang kopya ng mundo na atin nang kinagigiliwan at hinihinga, pero nasa digital na anyo at online.

Kahit na ang term na ito ay ginamit na sa loob ng 30+ taon, ang eksaktong depinisyon nito ay nakadepende sa kung sino ang tatanungin mo.

Noong unang pumotok ang Internet sa publiko noong 1990s at early 2000s, tinuring itong Web 1.0. Ang social media, search engines, smartphones, at user-generated content ang nagtulak sa atin sa kung ano ang nararanasan natin ngayon, Web 2.0. Ang Web 3.0 ay kasalukuyang binubuo, na inilalarawan bilang isang yugto ng ebolusyon na kasama ang machine learning, artificial intelligence, connected everything (mga sasakyan, bahay, Internet of Things devices), decentralization, mas pinahusay na connectivity, at mas maraming user control.

Ang Metaverse ay isang halo ng Web 3.0 at higit pa, na dinadala ang decentralization sa susunod na hakbang, habang pinapapasok sa mainstream ang mas malalaki at detalyadong 3-D virtual worlds na pumapalawak sa virtual at augmented reality, virtual marketplaces para sa digital goods and services, kung saan puwede kang mamili, magtrabaho at mabayaran gamit ang cryptocurrencies, maglaro at makipag-socialize sa mga tao mula sa iba’t ibang panig ng mundo.

Ang Metaverse dapat ay nagbibigay ng oportunidad na gawin halos lahat ng kaya mong gawin sa “real” world, pero online…virtually.

Ilan sa mga karaniwang katangian ng metaverse na pinag-uusapan ngayon ay ang paggamit ng virtual reality (VR) interfaces (goggles, headsets, etc.), augmented personal avatars na kumakatawan sa iyo sa digital world, at pagmamay-ari ng digital goods.

Kung mahilig ka sa gaming, baka sabihin mo sa sarili mo, “eh di parang Sims video game o Second Life na nilalaro ko na ng mahigit 10 taon!  Fortnite ang metaverse, di ba?  Paano ang Minecraft at Roblox, na nilalaro ng mga anak ko?  Grabe ang gastos nila doon!”

Iyan ay mga mahusay na halimbawa ng virtual worlds na posibleng magbigay ng hinaharap na sulyap kung ano ang maaaring maging itsura ng metaverse – isang lugar kung saan puwede kang magtrabaho, maglaro, mamili, manood ng live concert mula sa paborito mong real-world artist, bumili ng art, at makipag-socialize nang real-time sa pamilya at kaibigan.

So, ang future ba ng metaverse ay tungkol lang sa video game development?

Pwede! Pwede rin hindi! Hindi pa natin alam, at maraming kumpanya sa crypto world ang nagsasabing kasalukuyan nilang binubuo ang metaverse ngayon mismo.

Pero ang video games ay isang puwersang nagtutulak sa potensyal na pag-adopt ng mas malawak na online virtual world, habang milyun-milyong players sa buong mundo ay naglo-log in araw-araw para maglaro ng kanilang pinaka-paboritong laro, kumikita at gumagastos ng virtual currencies sa in-game items.

Ang future ng metaverse ay nagiging mas realistic kasama ng paglago at paglawak ng cryptocurrencies at blockchains, VR/AR hardware, pag-aampon ng video games, ang pagsabog ng NFTs, at ang pagbili at pagbebenta ng iba pang virtual goods, tulad ng online real estate.

Ang ilan sa pinakamalalaking kumpanya sa mundo ay nakikisawsaw na rin, sa pamamagitan ng pag-roll out ng NFT collections, pagbili ng virtual land rights, at pagbuo ng virtual storefronts para maghanda para sa kung ano ang pinaniniwalaan nilang susunod na malaking bagay.