This article has been translated from English to Tagalog.

Heto ang isang popular na trading statistic na madalas ikalat sa retail forex world: Mahigit 95% ng traders ay nagfe-fail. Sa sobrang taas ng exit rate, parang ang pagiging magaling na trader ay nasa DNA!

Pero ang totoo, walang ipinapanganak na magaling na trader. Ang mga successful traders ay hinuhubog, hindi ipinapanganak. Walang mas makakapagpatunay nito kundi ang kwento ng Turtle Traders.

Noong 1983, dalawang commodity traders, sina Richard Dennis at Bill Eckhardt, ay nagkaroon ng mainit na diskusyon kung ang pagiging magaling na trader ay dahil sa genes o kung ito ay pwedeng ituro.

Ito ay ang classic na debate ng nature versus nurture.

Naniniwala si Eckhardt na ang pagiging mahusay sa trading ay nanggagaling sa loob at hindi ito pwedeng ituro.

Samantalang si Dennis naman, naniniwala na kahit sino ay pwedeng maging magaling na trader basta't may tamang forex education.

Umabot sa puntong nagdesisyon silang subukan ang kanilang mga teorya.

Nag-recruit si Dennis ng 23 tao mula sa iba't ibang background at sinabak sila sa isang trading bootcamp para makita kung paano sila magpe-perform sa konting gabay. Binigyan ang bawat recruit ng set ng trading rules, pero pagdating sa aktwal na desisyon, sila na ang bahala.

Tinawag ni Dennis ang kanyang mga recruit na “The Turtles” at binigyan ang bawat isa ng $1 million para ipang-trade.

Sa loob ng apat na taon lang, nakalikom ang grupo ng mahigit $100 million sa profits. Ang standout? Si Curtis Faith na labing-siyam na taon lang nang sumali.

Pinatunayan ng Turtles experiment na hindi mo kailangan ng “trader gene” para maging magaling sa trading at na halos kahit sino ay pwedeng maging excellent trader basta't may tamang tools at maraming practice.

Ang kwento ng Turtle Traders ay talagang nakaka-inspire.

Kapag pakiramdam mo'y down ka at iniisip mong hindi ka isinilang para sa trading, isipin mo ang Turtle Traders.

Karamihan sa kanila ay halos walang kaalam-alam sa trading noong simula, pero halos lahat sila ay nakapagpalago ng malalaking kita sa ilalim ni Richard at Dennis. Natutunan nila ang pasikot-sikot sa pamamagitan ng karanasan, trial and error, at pananatili sa proseso.

Kaya’t sundan ang yapak ng Turtles. Mag-training ka ng mabuti, batang padawan. Sa trading, nurture ang nagmumulat sa winning mindset, hindi nature.