Sam Bankman-Fried (SBF)

Si Sam Bankman-Fried, minsang tinatawag na SBF, ay isang American entrepreneur na kilala sa pagtatatag at pagpapatakbo ng cryptocurrency exchange na FTX at cryptocurrency hedge fund na Alameda Research.

Noong Nobyembre 2022, ang personal na kayamanan ni Bankman-Fried na nagkakahalaga ng $15 bilyon at ang $35 bilyon na exchange na FTX ay bumagsak dahil sa liquidity crisis sa FTX. Inakusahan na kinuha ni SBF ang $10 bilyon mula sa pondo ng mga customer ng FTX at palihim na inilagak ito sa Alameda Research, ang kanyang hedge fund na sumikat sa paglalagay ng malalaking pusta sa iba pang mga crypto companies. Ang mga pusta na ito ay nasa anyo ng mga pautang na sinusuportahan ng native cryptocurrency ng FTX, ang FTT.

Nang naging malinaw na ang yaman ng Alameda ay pangunahing binubuo ng FTT at iba pang cryptocurrencies (halos $6 bilyon ng $14 bilyon na balance sheet ng Alameda ay binubuo ng FTT), sa halip na mas liquid na non-crypto assets tulad ng fiat currency, ang mga customer at investors ng FTX ay natakot at nagsimulang mag-withdraw at magbenta ng kanilang FTT mula sa exchange.

Nakaranas ang FTX ng withdrawals na $6 bilyon sa unang 3 araw ng pag-uulat ng media tungkol sa mga hawak ng Alameda. Kinailangan ng exchange na ihinto ang mga withdrawals nang naging malinaw na walang sapat na pondo ang exchange para masunod ang demand ng customer withdrawals.

Si Bankman-Fried ay anak ng mga propesor ng batas sa Standford University. Nagtapos si SBF sa MIT noong 2014 at dinala ang kanyang mga degree sa physics at mathematics upang magtrabaho sa Jane Street Capital, isang global proprietary trading firm at liquidity provider na nagte-trade ng $17 trillion sa securities.

Iniwan ni SBF ang Jane Street noong 2017 para simulan ang Alameda Research. Ang kanyang FTX exchange ay itinatag noong 2019.

Sa pamamagitan ng kanyang tagumpay sa Alameda at ang paglikha ng isa sa pinakamalaking cryptocurrency exchanges sa mundo, si SBF ay tiningnan bilang "golden child" ng crypto at tagapagligtas ng isang industriya na target ng mga hackers at na-exploit ng mga "snake oil salesmen" at hindi magaling na decision-makers.

Ginamit niya ang kanyang napakalaking yaman at kapangyarihan at nag-donate ng halos $50 milyon sa iba’t ibang Democratic Party politicians kabilang si President Joe Biden noong 2020 elections.

Pumayag din siyang mag-alok sa Blockfi ng $250 milyon na revolving credit noong Hunyo 2022, habang ang Blockfi ay nakakaranas ng mga problemang pinansyal dahil sa pagbagsak ng halaga ng karamihan sa digital assets ng crypto market.

Si Bankman-Fried at ang Alameda ay nangako rin ng $500 milyon sa financing sa Voyager Digital, isang crypto brokerage.

Noong Oktubre 2021, isinama ni Forbes si Bankman-Fried sa listahan ng pinakamayayamang tao sa mundo na wala pang 30 taon, na may tinatayang net worth na $20 bilyon.

Sa Nobyembre 2022, isinara na ni SBF ang Alameda Research, nag-file para sa Chapter 11 bankruptcy protection para sa FTX, bumaba bilang CEO ng FTX, at posibleng iniimbestigahan ng Justice Department, U.S. Securities and Exchange Commission (SEC), Commodity Futures Trading Commission (CFTC) at Securities Commission of the Bahamas, kung saan nakabase ang FTX.