Chaikin Oscillator

Ang Chaikin Oscillator ay ginawa ni Marc Chaikin para i-compare ang volume at price levels ng isang asset. Puwede itong gamitin para malaman kung ang isang asset ay overbought o oversold kaya magbibigay ito ng clues sa mga upcoming reversals.

Para makalkula ang isang Chaikin Oscillator chart, kailangan munang gumawa ng trader ng Accumulation/Distribution Line (A/D Line) para sa isang asset. Ang A/D Line ay nanggagaling sa isang index na tinatawag na close location value, o CLV, na nagko-compare sa high, low, at close prices. Kung ang close price ay lampas sa gitna ng high-low range, magiging positive ang CLV; kung ang close price ay nasa ilalim ng midpoint, negative ang CLV. Isang cumulative total ng CLV na times ang volume ng asset ang bumubuo sa A/D Line, na mataas kapag mataas ang closing prices at volume at mababa kapag mababa ang closing prices at volume, na nagsasaad ng pressure sa alinmang direksyon sa asset. Ang Chaikin Oscillator ay isang sampung-period moving average ng asset price bawas ang tatlong-araw na moving average ng bagong-generate na value ng A/D Line.

Kapag ang Oscillator ay nasa mataas na value, ang A/D Line ay mababa kumpara sa asset price, na nagsasaad na tumataas ang selling pressure sa asset at isang price reversal ay malapit na. Sa kabilang banda, kapag ang Oscillator ay nasa mababang value, tumataas ang buying pressure at ang pagtaas ng presyo ay malapit na rin. Kaya naman, puwedeng gamitin ng mga investors ang Oscillator para malaman ang tamang oras para magbenta o bumili ng asset para makinabang sa (o maiwasan na maipit sa) nalalapit na reversal.