Yield ng Bond

Ang bond yield ay ang taunang interes na natatanggap mo mula sa isang bond, bilang porsyento ng initial na halaga ng bond.

Ito ang premium na binabayaran sa mga investors para hawakan ang government o corporate debt.

Ginagamit ang bond yield para ikumpara ang potential na kita mula sa iba't ibang klase ng bonds.

Basically, ang bond ay parang loan at halos pareho lang kung paano nagcha-charge ng interes ang local bank sa mga hiniram na pera nito.

Nakatuon ang mga traders sa bond yields dahil sinasalamin nito ang kumpiyansa ng mga investors.

Kapag mahina ang demand para sa isang bond, tumataas ang yields nito para makahikayat ng mas maraming buyers.

Sa kabilang banda, kadalasang ibig sabihin ng mas mababang bond yields ay mataas ang demand mula sa mga investors, alinman sa kumpiyansa sila na mababayaran sila sa maturity o naniniwala silang safe na paglagyan ng kanilang assets ang bond.

Ang interest rate na babayaran ng bond issuer ay tinatawag na coupon at ito ay fixed, pero nagbabago ang yield dahil ang formula ay nakadepende sa presyo ng bond sa market.

Halimbawa, kung nagbayad ka ng $100 para sa isang bond na may interes na 5%, ang yield na makukuha mo ay 5%.

Pero kung binili mo ang parehong bond sa halagang $88, ang yield ay mga 5.7%.

Ang figure na ito ay kilala bilang current yield.

Nakabase ito sa market price at ito ang madalas gamitin ng mga investors para ikumpara ang mga bonds.

Mayroon pang ibang uri ng bond yield na dapat tingnan.

• Nominal yield, na ang interes na binabayaran ay hinati sa face (original) value ng bond.
• Yield to maturity, na nagpapakita ng average yield na maaasahan mo sa bond kung hahawakan mo ito hanggang sa matapos ang term nito.