This article has been translated from English to Tagalog.
Sa trading, ang exposure ay isang general term na puwedeng mangahulugan ng tatlong bagay:
- Ang total market value ng mga trades mo kapag naka-open.
- Ang kabuuang posibleng risk sa kahit anong oras.
- Ang bahagi ng portfolio mo na invested sa isang partikular na market o asset.
Sa stock trading, ang exposure mo ay magiging katumbas ng total na halaga na nagastos mo sa mga open positions mo.
Halimbawa, kung bumili ka ng $500 na halaga ng Apple, ang total na maaari mong mawalang pera sa trade na 'yan ay $500 kung sakaling bumagsak ang presyo ng Apple stocks sa zero.
Iba ang takbo ng leveraged trading.
Ang exposure mo dito ay puwedeng lumaki nang husto lampas sa iyong initial na inilabas na pera, na tinatawag na margin.
Halimbawa, may ilang trades na mangangailangan lang ng 10% na margin. Ibig sabihin nito, exposed ka ng 90% lampas sa halagang dineposito mo.
Sa mga ganitong kaso, pwedeng dumoble ang kita pero puwedeng malampasan ng losses ang initial deposits.
Sa huli, ang market exposure ay puwede ring tumukoy sa bahagi ng fund o portfolio na naka-invest sa isang partikular na sektor o asset.
Halimbawa, isang $100,000 portfolio na may $5000 na naka-invest sa bitcoin ay may 5% market exposure sa bitcoin.