Ano ang Bitcoin Network?

Ano ba ang Bitcoin network?

Ang Bitcoin network ay isang peer-to-peer (P2P) network.

Mula sa mga salita ng Bitcoin God mismo:

“Isang purong bersyon ng peer-to-peer na electronic cash ay magpapahintulot sa online payments na direktang maipadala mula sa isang party papunta sa isa pa nang hindi dumadaan sa isang financial institution.”

Ang Bitcoin network ay binubuo ng mga computer na nagpapatakbo ng Bitcoin software (o kilala rin bilang Bitcoin client).

Ang software na tumatakbo ang dahilan kung bakit gumagana ito lahat.

Ang kahit anong computer sa Bitcoin network ay puwedeng “mag-usap” sa isa’t isa direkta.

Iba ito sa isang client-server network kung saan lahat ng computer sa network ay kailangang dumaan muna sa isang central server.

Sa totoong mundo, hindi kasing ganda at organisado ang P2P networks katulad ng nasa taas. Hindi lahat ng computer ay puwedeng mag-connect direkta sa isa't isa kasi...sobrang laki ng mundo.

Kaya tara, maging totoo tayo….

Dahil walang central server sa isang P2P network, ito ay isang decentralized network.

Centralized vs. Decentralized Network

Ang isang decentralized network ay binubuo ng mga “peers” na puwedeng tumakbo independently sa isa't isa.

Bakit ito mahalaga?

May dalawang pangunahing dahilan:

1. Walang Central Point of Failure

Kung bumagsak ang isang computer, ang network ay patuloy na tatakbo na parang wala ito. Iba ito sa isang centralized network.

Sa isang centralized network configuration, tulad ng client-server network, kung bumagsak ang central server, ang buong network ay babagsak kasama nito.

Ibig sabihin, hindi mapapatigil ang Bitcoin network. Dahil walang “server” na puwedeng patayin.

Bawat computer sa Bitcoin network ay independent. Kung ang isa ay pumalya, ang network ay patuloy pa ring tatakbo ng matagumpay.

2. Decentralized Consensus

Kapag gumagamit ng electronic money para magbayad, katulad ng bank transfer mula sa iyong checking account, ang iyong transaction ay kailangang dumaan sa isang trusted “middleman” o third party para maayos ang transaction sa pamamagitan ng pagbabawas ng pondo sa isang account at pagdagdag nito sa isa pa.

Kung inayos ng middleman ang transaction, ang transaction ay itinuturing na valid.

Kung nag-transfer ako sa'yo ng pera, ikaw at ako ay magkakasundo na ang pera ay talagang nailipat mula sa account ko patungo sa'yo dahil tayo ay umasa sa isang trusted intermediary o central authority…..ang bangko.

Kaya sa kasong ito, ang “consensus” kung valid ang transaction ay nangangailangan ng centralization.

Iba ang Bitcoin. Gumagamit ito ng decentralized consensus.

Ang ideya ay sa halip na umasa sa isang intermediary, LAHAT ng computer sa Bitcoin network ay kailangang magkasundo sa pamamagitan ng “consensus” kung aling transactions ang valid.

Basically, pinalitan ng network ng computers ang middleman.

PAANO nga ba nagkakaroon ng consensus ang lahat ng computers na ito ay ipapaliwanag sa susunod na lesson.

Sa ngayon, tingnan muna natin kung paano gumagana ang Bitcoin network.