Ano ang Network?

Imbes na may governing body o central organization (gaya ng bangko) na nagma-manage ng transactions, ang Bitcoin ay pinapatakbo ng isang network na binubuo ng libu-libong computer na nagra-run ng software na nagha-handle sa pagpapadala at pagtanggap ng bitcoins.

Itong network ng mga computer ay tinatawag na Bitcoin network.

Bago pa natin hukayin ang malalim na detalye ng aktwal na Bitcoin network, mag-step back muna tayo sandali at i-review kung ano nga ba ang “network”.

Ano ang network?

Ano ang network? O mas specific, ano ang computer network?

Ang network ay grupo lang ng mga computer na magka-link para makapagpalitan sila ng data sa isa’t isa.

May dalawang basic na paraan kung paano maaaring i-arrange ang isang network:

1. Client-Server Network

Ang unang uri ng network ay tinatawag na “client-server network”.

Ang client-server network ay kung saan may isang centralized na computer (tinatawag na “server”) na nagsisilbing hub kung saan nakakonekta ang ibang computers (tinatawag na “clients”).

Ang data ay nire-request ng mga computer na kilala bilang “clients” (gaya ng PCs o kahit smartphones) at siniserve ng mga computer na tinatawag na “servers”.

Ito ang uri ng network configuration na ginagamit ng mga bangko at popular na payment apps tulad ng PayPal, Venmo, Apple Pay, at Google Pay.

Sa conventional digital banking, ang iyong laptop o mobile phone ay kumikilos bilang electronic “client” na nakikipag-interact sa central server na in-operate ng iyong bangko.

Ang “hub-and-spoke” network configuration na ito ay sobrang efficient pero fragile kasi ang server ay isang “chokepoint” at nagiging centralized na single point of failure (“SPOF”).

Kapag bumagsak ang server, ang buong network ay bumabagsak din.

2. Peer-to-Peer Network (P2P)

Ang ikalawang uri ng network ay kilala bilang isang “peer-to-peer network”.

Nasaan ang “server”? Wala.

Sa halip na “servers” at “clients”, ang mga computer ay simpleng kilala bilang “nodes” dahil maaari silang kumilos bilang parehong client AT server.

Ang isang peer-to-peer network, na kilala rin bilang isang P2P network, ay nalilikha kapag ang dalawa o higit pang mga computer ay konektado at nag-eexchange ng data sa isa’t isa nang hindi dumadaan sa isang hiwalay na “server” computer.

Sa isang P2P network, ang mga computer ay kayang “mag-usap” sa isa’t isa directly.

Sa halip na isang “hub-and-spoke” configuration, ang P2P network ay naka-structure na parang “spider web”.

Ang isang sikat na halimbawa ng P2P network ay ang mismong internet.

Para sa mga folks na may kaunting gray na buhok, baka naaalala nyo ang isang kilalang music-sharing software na tinatawag na Napster. Ang Napster ay nagkaroon ng kredito sa pagpapasikat ng paggamit ng software na tumatakbo sa isang P2P network. Ang BitTorrent ay isa pang halimbawa nito.

Sa isang peer-to-peer network:

• Bawat isa ay connected sa isa’t isa, kaya ito ay isang network.
• Bawat isa sa network ay equal, kaya sila ay tinuturing na peers.

Ang bawat peer ay equal sa iba, at ang bawat peer ay may parehong karapatan at tungkulin tulad ng iba. Ang mga peers ay parehong clients AT servers at the same time.

Anong kinalaman nito sa Bitcoin?

Tandaan... Ang Bitcoin ay tumatakbo sa isang computer network na kilala bilang ang Bitcoin network.

At ito'y nakaconfigure bilang isang peer-to-peer (P2P) network!

Bakit ito importante?

Sa susunod na lesson, ipapaliwanag ko kung bakit. 🤔