This article has been translated from English to Tagalog.
Ano ang Bitcoin?
Habang ang "Bitcoin" ay madalas na tinutukoy bilang isang cryptocurrency, ito ay higit pa doon.
Ang Bitcoin ay talagang isang sistema.
Tulad ng anumang sistema, ang Bitcoin system ay isang koleksyon ng mga elemento o components na nagtutulungan bilang isang kabuuan.
Tara at tingnan natin ang iba't ibang components ng Bitcoin.
Ang Bitcoin system ay talaga namang isang grupo ng mga computer na "naguusap" sa isa't isa via internet.
Para makapagusap sa isa't isa, Bitcoin software ay iniinstall sa bawat computer.
Ang Bitcoin software ay open source ibig sabihin kahit sino ay pwedeng makita ang source code nito.
Open source ibig sabihin ang software ay hindi pagmamay-ari ng kahit sino o anumang kumpanya. Ito ay libre gamitin at i-modify. Ang open source software ay code na dinisenyo para maging accessible sa publiko. Ibig sabihin, kahit sino ay pwedeng makita, i-modify, at i-distribute ang code ayon sa kanilang gusto.
Ang software na ito, na kilala bilang Bitcoin client, ay nilikha ni Satoshi Nakamoto noong huling bahagi ng 2008.
Ang orihinal na implementation ng software ay ngayon kilala bilang Bitcoin Core. Si Satoshi Nakamoto ang nagsilbing orihinal na tagapangalaga ng Bitcoin Core hanggang siya ay naglaho noong huling bahagi ng 2010,
Simula noon, maraming ibang tao, na tinawag na "Core developers" ang nag-take over at ngayon sila na ang nag-maintain ng software.Ano ang ginagawa ng software? Pinapatakbo nito ang Bitcoin protocol.
Ang isang protocol ay isang set ng rules o procedures na nagpapatakbo ng isang sistema. Kaya ang Bitcoin protocol ay ang set ng rules na nagtatakda kung paano gumagana ang Bitcoin system.
Halimbawa, mayroong isang rule na nagsasaad ng predetermined na dami ng bitcoins na pwede lamang umikot. Isa pang halimbawa ng rule ay kung paano natutukoy na valid ang isang transaction.
Ang protocol na ito, o rules, ay maaaring ilarawan sa pagsusulat, ngunit sa kaso ng Bitcoin, ay ipinapahayag sa computer code. Ang computer code na ito ay na-compile sa software.
Compiled ay nangangahulugang ang human-readable computer code na isinulat ng programmer(s) ay isinasalin sa computer-executable machine code.
Kahit sino ay pwedeng mag-download at mag-install ng software na ito.
Dahil ang code ng Bitcoin Core ay open source, marami nang iba pang implementations ng Bitcoin’s code. Pero Bitcoin Core pa rin ang pinakapopular, at ginagamit bilang reference version ng ibang Bitcoin software.
Sa kasalukuyan, ang software na ito ay naka-install sa libu-libong computers na kumalat sa buong mundo.
Ang mga computers na ito ay tinatawag na Bitcoin nodes.
Kapag ang computer (“node”) ay nakakonekta sa internet at nagsimulang patakbuhin ang software, ito ay nagiging bahagi ng Bitcoin network.
Kapag nakakonekta na ang nodes sa Bitcoin network, nagsisimula na silang mag-communicate at mag-share ng impormasyon sa isa't isa.
Sige na nga, ilista na natin ang mga components ng Bitcoin system na nabanggit:
- Bitcoin software
- Bitcoin protocol
- Bitcoin nodes
- Bitcoin network
May mga kulang pang components, pero wag mag-alala. Lahat ay tatahakin sa mga susunod na leksyon.
Sa ngayon, mag-drawing na tayo ng "mapa" ng Bitcoin system mula sa mga natutunan mo na.
Ang "mapa" ay mukhang maliit pa sa ngayon pero hintayin mo lang!
Habang natututo ka pa ng mas maraming konsepto, makikita mo itong lumago! Maghanda kang mamangha! 😎
Tara na at alamin pa ang tungkol sa Bitcoin network.
