Pseudonymity

Pseudonymity ay tungkol sa pagtatago ng tunay mong pagkakakilanlan sa publiko at sa halip ay gumagamit ng pekeng pangalan o gawa-gawang pagkakakilanlan.

Hindi 'to pangalan ng sikat na dinosaur ha!

Ito'y tumutukoy sa isa sa mga pundasyon sa likod ng karamihan sa mga pampublikong blockchain, at ito ay ang seguridad ng blockchain.

Sa seguridad ng blockchain, ang pseudonymous na katangian ng ilang blockchain ay nagtatago sa pagkakakilanlan ng isang network user mula sa ibang mga user habang lahat ng transaksyon ng taong iyon ay nakalink pa rin sa isang pseudonymous na pagkakakilanlan na puwedeng ma-track ng halos kahit sino.

Ang Pseudonymity ay isang welcome feature ng blockchains, dahil nakakatulong ito sa personal privacy at seguridad habang nagta-transact sa mga pampublikong blockchain.

Sa kabilang banda, ang anonymity naman ay nagpipigil sa transaksyon at network activity na mai-link sa kahit sino. Kung anonymous ka, ang tunay mong pagkakakilanlan ay ganap na nakatago at hindi kilala.

Si Satoshi Nakamoto ay isang perfect example ng pseudonymity sa crypto. Si Satoshi Nakamoto ang imbentor ng Bitcoin, pero hindi natin alam ang tunay na pangalan o pagkakakilanlan niya.

Ang iba't ibang opsyon ng user privacy ay isa sa mga dahilan kung bakit maraming tao ang naaakit sa cryptocurrencies ayon sa marami sa crypto industry.

Ang mga user ay protektado mula sa pagpapasa ng personal na detalye sa isang kumpanya o gobyerno at pwede pa rin mag-transact ng pera sa iba’t ibang lugar at tao.

Gayunpaman, ang parehong focus sa user at transaction privacy sa crypto ay naging isang usapin sa industriya na lumalaban sa iligal na aktibidad, mga con artist, at mga masamang tao na umaasang magtago sa dilim.

Ang pseudonymous at anonymous na kalikasan ng cryptocurrencies ay nagresulta sa mga gobyerno at institusyon na magpatupad ng mga regulasyon sa mga popular na crypto businesses, mga regulasyon na kalaunan ay aabot sa user.

Ang mga financial regulations sa anyo ng KYC at AML checks ay nagiging mas karaniwan sa cryptocurrency exchanges at ibang crypto apps at services, na nag-aalis ng kakayahan na manatiling pribado sa mainstream services.

Ang mga centralized crypto exchanges ang naging pangunahing daanan para sa mga tao na maglipat ng pera sa crypto markets, kaya’t madaling maunawaan kung bakit ang mga regulator ay nakatuon ang kanilang oras at enerhiya sa mga ganitong uri ng organisasyon. Ang mga decentralized crypto exchanges naman ay umaasa na mas makakaakit ng mas malawak na audience sa pamamagitan ng pag-aalok ng trading accounts na ang kailangan lang ay ikonekta ang crypto wallet ng user sa exchange para makakuha ng access sa mga serbisyo ng exchange. Hindi kailangan ng KYC information.