This article has been translated from English to Tagalog.

Sa sobrang dami ng experience sa forex market, minsan iniisip na ng ibang traders na kaya na nilang i-predict ang price action nang buong-buo.

In fairness naman, kung ilang taon ka nang nakatambay sa harap ng screen, at na-achieve mo na ang 10,000 hours ng pag-develop ng analytical skills mo, medyo tempting ngang isipin na kabisado mo na ang markets.

Delikado 'to na assumption kasi puwede itong mauwi sa tinatawag kong “trader god complex,” kung saan paniniwala mo na di ka magkakamali sa pag-predict ng future price movements.

Nangyayari ‘to usually kapag sobrang confident na ang isang forex trader sa kanyang mga ideas kaya di na niya ma-accept ang posibilidad na may mali siya.

Pero, tulad ng sinuman na nakaranas na ng maraming talo sa trades (at parang lahat naman ng traders!), alam natin na bahagi ng karakter ng forex market ang uncertainty.

Walang sino man – kahit na ang mga pinakamalupit na financial hotshots na may access sa sangkaterbang economic information – ang makakagawa ng 100% accurate predictions para sa price action.

Kung ipipilit mo na may special ability ka para malaman ang eksaktong magiging galaw ng isang currency pair, puwede kang mapahamak bilang trader.

Siyempre, iba 'to sa pagkakaroon ng magandang pakiramdam sa market behavior dahil sa constant deliberate practice. Ang goal ng prosesong ito ay matutunan at ma-improve mo pa ang sarili mo sa trading career mo.

Ibig sabihin nito ay kaya mong tanggapin ang mga talo mo, aminin ang mga pagkakamali mo, i-re-evaluate ang forex trade strategy mo, at gawin ang mga kailangang baguhin. Sa katunayan, ang layunin ng deliberate practice ay kabaligtaran ng pag-iisip na ikaw na ang pinaka-magaling na trader!

Sa halip na mag-predict, matutong mag-develop ng biases.

Ang una ay nangangahulugan ng expectation ng isang tiyak (at kadalasan specific) na outcome habang ang huli ay mas flexible dahil ito’y open sa confirmation o negation mula sa markets.

Kapag natanggap mo na na IMPOSIBLE talagang i-predict ang market behavior nang buo, mas magiging madali kang makakapag-adjust sa strategies mo.

Mag-focus sa pag-manage ng risk mo nang maayos at kontrolin ang kaya mong kontrolin. Kasama dito ang pag-research ng potential catalysts at price reaction probabilities at pag-monitor ng position size, stops, at holding period mo.

Sa huli, tandaan mo na ang market ang boss. Wala itong pakialam kung saan mo sa tingin dadalhin ang presyo.

Para maging consistently profitable, dapat mong matutunang i-trade ang nakikita mo at hindi ang iniisip mo.