3 Tips para Makatulong sa Iyo na Mag-Trade sa Labas ng Iyong Comfort Zone

Palagi naming sinasabi na ang deliberate practice at pag-uulit ay nagbibigay-daan sa iyo na pagbutihin ang mga kahinaan sa trading at tukuyin kung ano ang epektibo at hindi sa iyong trades. Sa huli, ito ay maaaring humantong sa palaging kumikitang trades.

Pero kapag komportable ka na sa isang subok at subok na strategy, baka gusto mo namang subukan ang pag-trade sa labas ng iyong comfort zone.

Hindi ko sinasabi na dapat mong i-quadruple ang size ng posisyon sa susunod mong mga trades, itapon ang lumang trading plan, o mag-trade ng nakaunderwear sa labas ng bahay (kahit na magiging magandang viral video 'yan).

Tulad ng isang Olympic swimmer na sanay sa iba't ibang klase ng strokes, ikaw, bilang forex trader, ay kailangan ring maging pamilyar sa iba't ibang klase ng trading methods.

Ang punto ng exercise ay palawakin ang iyong kaalaman at hamunin ang kasalukuyang galing mo sa trading.

Bukod sa pagdagdag ng kaalaman mo sa industriya, ang pag-trade sa labas ng comfort zone mo ay nagbubukas din ng mas maraming trading opportunities (at posibleng mas maraming pera). At kung maingat at matagumpay itong nagawa, maaaring tumaas ang iyong kumpyansa at emosyonal na tibay.

Pero mag-ingat mga young padawans! Ang paglabas sa nakasanayan ay hindi maiiwasang magdulot ng emosyonal na stress, na nagpapataas ng posibilidad na makagawa ng kahit ang pinakasimpleng pagkakamali.

Pero ‘wag mag-alala, heto ang listahan ng tips para makatulong sa pag-manage ng stress na ‘yan:

1. Sa halip na “breaking out” ng iyong comfort zone, subukang dahan-dahan na mag-transition sa iyong bagong strategies.

Hindi kailangang engrande ang pagbabago. Puwede itong kasing simple ng pagtaas ng iyong average position sizes ng 0.5% bawat pagkakataon. O kung bagong currency pair ang tinitrade mo, maglagay muna ng maliit at walang saysay na posisyon.

2. Gumamit ng demo account.

Sa ganitong paraan, wala kang risk at ang tanging investment na kailangan mong gawin ay oras.

Kung ang oras ang problema para sayo, ikonsidera ang paggamit ng automated trading at backtest mechanical systems sa iyong platform. Pwede mo ring i-apply ang sarili mong tweaks at subukan ang forward testing.

3. Sa pagtatapos ng araw, maikakatuwiran mong karanasan ito.

Karamihan sa mga experienced traders ay regular na lumalabas sa kanilang comfort zones. Madalas silang may test accounts kung saan sila nag-eeksperimento ng mga bagong trading strategies at methods.

Tandaan, kapag gumagawa ka ng bagong aksyon—kung testing man ng trading method o paghahanap ng ibang paraan ng pag-analyze ng market—ang iyong values at ideas ay hamon.

Kung mananatili kang mababa ang loob at bukas, maaari kang makakita ng mga bagay na hindi mo pa nakikita noon, mga bagong ideya ang lalabas, at ikaw ay mapipilitang lumago.

Sa totoo lang, hindi madali ang paglabas sa iyong comfort zone.

Malamang sa simula ay hindi ka magtagumpay dahil sa emosyonal na stress o kakulangan sa kaalaman, pero sa sapat na oras, matututo ka rin, kaya huwag lang subukan minsan o dalawang beses. Palaging i-challenge ang sarili na subukan ang mga bagong bagay.