5 Tanong na Itatanong Kapag Nasa Trading Slump Ka

Sa forex trading, ang unang goal ay simple lang: para mabuhay at makapag-trade muli kinabukasan.

Ang magbukas ng account at maglagay ng totoong pera, madali lang 'yan. Ang challenge ay kung paano ka makakasingit nang matagal para makuha mo ang skills at experience na kailangan para maging consistently profitable.

So paano mo malalaman kung nasa tamang landas ka?

Automatic bang ibig sabihin ng negative balance na hindi ka magaling na trader? Ilang trades ang kailangan mo bago ka KAILANGANG magpakita ng profits? Dapat ka bang kabahan kapag nasa losing streak ka?

Kung kinabahan ka sa mga tanong sa taas, wag kang mag-alala. Tandaan mo na ang pagkalugi ay kasing bahagi ng forex trading katulad ng panalo. Pero kung tuloy-tuloy na losses o consistent na kawalan ng kita, posibleng senyales ito na may kailangang ayusin sa proseso mo sa pag-trade.

Narito ang limang tanong na kailangan mong sagutin para matukoy ang mga problem areas mo:

1. Nagkakaroon ka ba ng classic trading mistakes?

Ang mga tao, may tendensiyang isipin na sila ang magiging exception sa rule. Bumibili ng lottery tickets na naniniwalang sila ang mananalo ng jackpot. Yung iba bibili ng bahay malapit sa fault lines na iniisip “Eh, wala namang earthquake habang nandito ako.”

Wag kang matakot i-check kung nagawa mo na ang isa sa mga ito. Kahit na ito’y basic tulad ng hindi pag-set ng stops o psychology-related tulad ng kawalan ng control sa emosyon, mas mabuti pang harapin agad ang mga trading problems mo.

2. May trading system ka ba?

Paano mo pinipili ang trades mo sa araw na 'yon? Basta na lang ba ang unang currency pair na makita mo? Pumipili ka ba ng pinakamakulay na indicator at sumusunod sa signals nito? Anong time frames ang madalas mong tinitignan?

Ang pag-trade nang walang system ay parang pag-pindot ng random buttons sa game controller, umaasang tatama ka sa winning combo. Pwede kang manalo, pero hindi mo malalaman kung paano mo ito mauulit.

Ang isang trading system ay malaking tulong para maging consistently profitable ka. Kung hindi mo alam paano gumawa ng isa, magsimula ka sa pag-identify ng entry at exit parameters mo.

3. Naminamanage mo ba ang risk exposure mo?

Ang average position size mo ba ay akma sa risk tolerance mo? Nagte-take ka ba ng setups na may magandang reward-to-risk ratio? Gaano kalaking daily loss ang kaya mong tiisin base sa leverage at margin levels mo?

Wag kalimutang ang pag-trade nang walang risk management ay parang pagsusugal. Sa huli, ang forex trading ay numbers game at yung mga marunong mag-take advantage ng favorable odds ang mas tumatagal.

4. Ano ang sinasabi ng trading journal mo?

Hindi mo mapapabuti ang bagay na hindi mo nasusukat. Trading journals hindi lang sinasabi kung saan ka mahina, pero pinipigilan ka ring bumalik sa lumang habits at ulitin ang mga dating pagkakamali. Tinutulungan ka nitong mag-measure, mag-track, at manatiling focus sa pagpapabuti ng performance mo.

Kung ano ang ilalagay mo sa journal mo ay depende sa personality mo, pero pwede kang magsimula sa basic tulad ng motivations mo, market views, trading mistakes, at general statistics. Magtanong sa ibang traders kung hindi ka sigurado kung aling performance metrics ang mahalaga.

5. Para sa'yo ba ang forex trading?

Baka ang dahilan kung bakit hindi ka kumikita sa forex ay dahil hindi talaga para sa'yo ang currency trading.

Pwedeng sobrang taas ng risk tolerance mo para sa currency trading. O baka naman hindi ka talaga interesado sa macroeconomic events. Pwede rin na sanay ka na sa pag-trade ng ibang assets kaya hindi mo na pinapansin ang currencies.

Sa anumang kaso, walang masama kung tatalikuran mo ang forex trading kung nararamdaman mong hindi ito para sa'yo. Sa totoo lang, mas gusto naming makita ang isang informed investor na tumigil sa forex trading kaysa sa isang eager na nandiyan lang dahil sa pera.