4 Tanong na Itatanong Kapag Nagpaplano ng Paglabas sa Negosyo

Kung mag-browse ka sa mga online na community at forex forums, mapapansin mo na kadalasan ng usapan ay tungkol sa pagpasok sa trades.

Pero habang importante talaga na alam mo paano at kailan pumasok sa trade, kasing halaga din na alam mo kailan lalabas.

Maraming tao ang may detalyadong plano at set ng rules kung paano pumasok sa market, pero madalas iniisnab ng mga baguhang traders ang kahalagahan ng pagkakaroon ng exit strategy.

“Simulan mo na may layunin sa dulo.”

Bago ka pa man mag-enter sa trade, dapat nakalatag na ang exit strategy mo. Itanong mo sa sarili mo ang mga sumusunod na tanong:

1. Gaano kalaki ang handa mong i-risk?

Dito sa BabyPips.com, naniniwala kami na ang risk management ay isa sa pinaka-importanteng aspeto ng trading.

Para kumita (at maiwasan ang pagkalugi), kailangan mong matutunan kung paano i-manage ang iyong risk. Ganyan mo mapaghihiwalay ang traders sa mga gamblers.

Dapat laging alam mo kung gaano karami ng account mo ang iyong isinapalaran. Siguraduhin na ang irisk mo lang ay ang halagang komportable kang mawala sayo.

2. Saan mo puputulin ang iyong losses?

Ang tamang paglalagay ng stop loss ay pwedeng bumuo o sumira sa trade mo, kaya ito ay isang bagay na dapat mo nang i-consider bago ka pa man mag-dive sa market.

Siguraduhin mong inilagay mo ang stop loss mo ng maayos at bigyan ang trade mo ng sapat na space para huminga.

Para sa tips kung paano magsimula ng stop losses, tingnan ang School of Pipsology’s lesson on chart stops.

3. Anong mga events ang pwedeng mag-invalidate ng trade mo?

Kung sasabihin nating unpredictable ang markets ay kulang pa sa totoo lang. May mga hindi inaasahang events na palaging lumilitaw at kadalasan nagkokos ng matinding volatility.

Gayunpaman, may mga events na alam na natin. Mga economic reports at speeches ng mga key officials ay kadalasang naka-schedule na. Ang kinalabasan nito ay karaniwan may epekto sa markets katulad ng mga hindi inaasahang events. Kaya bakit hindi tayo maghanda para dito?

Palaging alamin kung ano ang market consensus at kung anong klaseng price reaction ang dapat mong asahan.

Gumawa ng contingency plans para sa mga events na lumalabas na iba kaysa inaasahan. Pinakamahalaga, maging handa sa pag-adjust ng iyong trade kapag kailangan.

4. Gaano katagal mo plano hawakan ang trade?

Halimbawa, ang mga long-term traders ay maaaring hawakan ang kanilang trades ng ilang linggo, buwan, o kahit taon pa. Kadalasan, ang kanilang trades ay naka-depende sa mga fundamental factors na may epekto sa markets sa mas mahabang panahon. Ang pagiging consious sa oras ay makakatulong sa isang swing o position trader na subaybayan ang kondisyon ng market.

Samantala, ang mga short-term traders ay makikinabang sa practice na ito sa pagtulong sa kanila na ma-assess kung valid pa ba ang trade idea o hindi. Marahil ang consolidation sa isang particular na pair ay mas matagal na kaysa inaasahan, at mas mabuting isara na lang ang trade ng mas maaga.

Tulad ng nakikita mo, ang pag-exit sa trade ay kasing halaga ng pag-pull ng trigger, kaya maglaan ng parehong dami ng oras at analysis para dito.

Ang pagkakaroon ng detalyadong exit strategy ay hindi lang makakaiwas sa impulsive trading decisions at mapanatiling kontrolado ang emosyon mo, pero makakatulong rin ito sa pag-manage ng iyong risk at manatiling profitable sa mahabang panahon.

Palaging tandaan na magsimula ka na may layunin sa dulo. Habang napaka-importante na alam mo paano at kailan pumasok sa trade, kasing halaga din na alam mo kailan lalabas.