3 Sikolohikal na Pagkakaiba sa Pagitan ng Demo at Live Trading

Bilang isang newbie trader, lagi kang hinihikayat na mag-practice muna sa demo trading bago mag-live.

Sa pamamagitan ng demo trading, nahasa mo ang mga basic trading skills, nakabuo ka ng trade plan, natutunan ang tamang risk management, at naintindihan ang trading psychology (sana nga!) nang hindi isinusugal ang perang pinaghirapan mo.

Kapag nakapagpakita ka na ng consistent na kita at napalakas mo ang tiwala sa sarili sa pagte-trade, nagdesisyon ka na oras na para subukan ang live trading account.

Dahil sunod-sunod na ang panalo mo sa demo, parang hindi naman siguro ganun kahirap kumita ng malaki kapag tunay na pera na ang nakataya, diba?

MALI!

Kapag karamihan sa mga newbies ay lumilipat mula demo patungo sa live, iniisip nila na madali lang kopyahin ang resulta ng demo trading sa tunay na account.

Dahil dito, marami ang naiinis kapag nalaman nilang hindi ito palaging ganun. Narito ang ilang dahilan kung bakit:

1. Tunay na pera, tunay na emosyon.

Bilang traders, sinusubukan natin maging emotionless parang si Spock habang gumagawa ng trading decisions.

Pero, ang pag-alis ng emosyon ay hindi talaga kayang gawin ng tao. Hindi maiwasan na mas mataas ang pagiging maramdamin kapag tunay na pera na ang nakataya.

Para mas malinaw, ikumpara mo ang naramdaman mo noong una kang nag-demo account sa kung paano mo naramdaman noong una mong live trade.

Bumilis ba ang tibok ng puso mo? May butterflies ka ba sa tiyan? Medyo nanginig ba ang mga kamay mo?

Kung oo, baka naman in love ka lang o talaga namang kinakabahan ka noong nagsimula ka ng live trading!

2. Walang totoong pera na nakataya sa demo.

Kahit pa subukan mong ituring na parang tunay na account ang demo account, ang totoo, walang totoong pera na nakataya sa demo.

Kapag nagkamali ka ng todo sa demo, meron kang comfort na pwede kang magsimula ulit nang madali at nababawasan ang pressure.

Sa kabaligtaran, kapag nagkamali ka habang tunay na pera na ang ginagamit, makakasira ito sa trading confidence mo at lalabo ang mga trading decisions mo sa susunod.

3. Mas malakas ang tukso na gumawa ng trading sins sa live trading.

Dahil totoong pera na ang nakataya, mas emotionally invested ka sa resulta ng trades mo.

Bunga nito, mas malakas ang tukso na bumalik sa mga masamang trading habits.

Akala mo tapos na ang mga ugali na yun, pero baka mahanap mo ang sarili mong gumagawa ng common trading sins tulad ng paggalaw ng stop losses, pagputol ng mga panalong trades ng maaga, at revenge trading.

Para sa ibang traders, ang desire nila na patunayan na ang live accounts nila ay kasing profitable ng demo accounts nila ay nagreresulta pa sa bagong problema tulad ng overtrading at pag-papabaya sa kanilang trading plans.

Paano mo malalampasan ang mga pagkakaibang ito?

Isang magandang paraan para malampasan ang agwat sa pagitan ng demo at live trading ay kopyahin ang mental state ng emotionless trading na ginawa mo sa demo.

Magagawa mo ito sa pamamagitan ng pag-focus sa proseso imbes na profit. Isa-isang trade lang at mag-focus sa pagsunod sa iyong plano at pagsasagawa ng tamang risk management.

Siguraduhin na ang perang tinitrade mo ay kaya mong mawala. Makakatulong ito para mabawasan ang pressure at mas maka-focus ka sa trades mo.

Isa pang magandang paraan para ulitin ang tagumpay mo sa demo trading ay panatilihin ang magagandang trading habits tulad ng pagsusulat ng trade journals.

Sa pamamagitan ng pag-nonote ng mga pagkakamali na nagawa mo sa live account na hindi mo kadalasang ginagawa sa demo, magkakaroon ka ng ideya sa mga problemang dapat mong pagtrabahuhan.

Ang paglipat mula demo patungong live trading ay mahirap at madalas nagreresulta sa pagkalugi sa una, pero hindi dapat ito maging hadlang para hindi ka makabawi.

Kailangan mo lang maging maingat at siguruhin na handa ka sa emotional commitment na kailangan para sa live trading.