This article has been translated from English to Tagalog.

Fibonacci extensions (o tawagin nating “Fib extensions”) ay ginagamit para makita ang price targets pagkatapos mag-resume ang prevailing trend.

Parang Fibonacci retracements din ang mga ito. Ginagamit ito para malaman ang mga posible na support at resistance levels.

Tulad ng Fibonacci retracements, ang Fibonacci extensions ay base sa mathematical relationships, na naka-express bilang ratios, sa pagitan ng mga numero sa Fibonacci series.

Kakaiba sa Fibonacci retracements, ang Fibonacci extensions ay naghahanap ng mga posibleng suporta at resistance levels na higit pa sa 100% ng nakaraang galaw ng presyo.

Fibonacci Extension Example

Paano kinukuwenta ang Fibonacci Extension?

Ang mga key Fibonacci extension levels ay makikita sa pamamagitan ng iba't ibang mathematical operations sa mga numero sa Fibonacci series, at sa mga resulta ng mga operations na ito.

  • Ang unang ratio na 161.8%, na tinatawag na “golden ratio” o “golden mean”, ay nakukuha sa paghahati ng isang numero sa sequence sa numero na nauna dito. Halimbawa: 21 ÷ 13 = 1.6154, 34 ÷ 21 = 1.6190 at 55 ÷ 34 = 1.6176.
  • Ang 261.8% ratio ay nakukuha sa paghahati ng isang numero sa sequence sa numero na dalawang posisyon bago ito. Halimbawa: 34 ÷ 13 = 2.425, 55 ÷ 21 = 2.619 at 144 ÷ 55 = 2.61818. Ito rin ay ang square ng 1.618 (1.618 x 1.618 = 2.618).
  • Ang 423.6% ratio ay nakukuha sa paghahati ng isang numero sa sequence sa numero na tatlong posisyon bago ito. Halimbawa: 55 ÷ 13 = 4.2308, 89 ÷ 21 = 4.2381 at 144 ÷ 34 = 4.2353. Ito rin ay ang suma ng 1.618 at 2.618 (1.618 + 2.618 = 4.236).
  • Maliban sa tatlong ratios na ito, ang 127.2% extension level ay ginagamit din. Ang level na ito ay ang square root ng 1.618 (√1.618 = 1.272).

Paano mag-trade gamit ang Fibonacci Extensions

Ginagamit ang Fibonacci extensions sa parehong paraan tulad ng Fibonacci retracements pero sa kabaligtaran na direksyon.

  1. I-identify ang dominant trend.
  2. Maghintay na pumihit ang market laban sa trend.
  3. Pagkatapos ay maghintay na magsimulang gumalaw muli ang market pabalik sa direksyon ng dominant trend.
  4. I-apply ang extension ratios sa nakaraang countertrend movement, simula sa previous low to high sa isang uptrend at sa kabaligtaran sa isang downtrend.
  5. Mag-draw ng horizontal lines sa mga level na ito at gamitin ito bilang posibleng resistance levels kung ang dominant trend ay isang uptrend, o bilang posibleng support levels kung ang dominant trend ay isang downtrend.
  6. Ang mga level na ito ay maaaring gamitin bilang profit targets kapag nagte-trade sa direksyon ng dominant trend.

Fibonacci Extnension

Ang pinaka-mahalagang levels ay usually ang 161.8% level na sinusundan ng 127.2% level.

Ang 261.8% level at ang 423.6% levels ay mahalaga rin sa malalakas na market.

Maraming Fibonacci extensions din ang maaaring i-draw na nagsisimula sa iba’t ibang lows sa uptrend o iba’t ibang highs sa downtrend.

Ang mga endpoints para sa iba't ibang extensions ay ang parehong pinakahuling turning point at maaaring gamitin kasama ng Fibonacci retracement levels ng mas malalaking price swings.

Nagkakaroon ito ng maraming levels na kung saan ang mga lugar na dalawa o higit pang Fibonacci levels ay malapit sa isa’t isa ay mas mahalaga.