Kompuwnd (COMP)

Compound ay isang decentralized, open-sourced, blockchain-based protocol na nagpapadali sa paghiram at pagpapautang ng crypto.

Ang sistema ay nakabase sa Ethereum network at isa sa pinakamalaking decentralized lending protocols sa mundo na may assets na lumagpas sa $10 billion sa total value locked (TVL).

COMP ay ang ERC-20 token na ginagamit para sa pamamahala ng Compound protocol.

Pinapayagan ng Compound ang mga user na mangutang laban sa kanilang assets at/o ipautang ito para kumita. Ang platform ay completely permissionless, ibig sabihin, kahit sino sa mundo kahit ano pa ang yaman o credit score ay pwedeng gumamit nito.

Pinagsasama-sama ng Compound ang mga assets ng depositors na pwedeng pagkuhanan ng mga nanghihiram. Ito ay pantay na naghahati ng panganib at gantimpala sa mga depositors na naghahanap kumita ng interest sa kanilang mga nakatenggang assets.

Isang algorithm sa Compound ang nagtatakda ng interest rates. At ito ay awtomatikong ina-adjust upang masalamin ang demand ng merkado.

Halimbawa, kapag tumaas ang demand sa paghiram, tataas ang rates para akitin ang mas maraming lender. At kapag bumaba ang demand sa paghiram, bababa ang rates para akitin ang mas maraming borrower.

Hindi tulad ng centralized institutions, gumagamit ang Compound ng smart contracts para matiyak ang optimal na seguridad at payagan ang mga user na panatilihin ang kontrol sa kanilang mga asset.

Ang smart contract ay isang self-executing na kontrata kung saan ang mga termino ng kasunduan sa pagitan ng mga partido ay direktang nakasulat sa mga linya ng code.

Ang isang depositor ay maaring bawiin ang kanilang assets mula sa lending pool kahit anong oras sa araw, 365 days a year.

At dahil ang Compound ay tumatakbo sa Ethereum network, hindi nito kailangan mag-hire ng libu-libong empleyado o magrenta ng physical na opisina.

Nagbibigay-daan ito na mag-operate sa murang halaga, naipapasa ang mas maraming kita sa mga depositor at mas magandang rates sa borrowers.