Bull Market

Ang bull market ay isang merkado kung saan tumataas ang mga presyo.

Kapag ang isang merkado, instrumento, o sektor ay nasa pataas na trend, karaniwan itong tinatawag na bull market.

Kahit na ang term na bull market ay puwedeng gamitin para sa kahit anong malakas na aktibidad sa merkado, madalas itong ginagamit sa financial markets kapag ang presyo ng isang asset ay tumaas ng 20% o higit pa mula sa dating mababang punto nito.

Karaniwan, ang bull market ay nangyayari kapag ang mga investors ay optimistic tungkol sa magiging performance ng isang asset o ng kabuuang market indexes sa hinaharap.

Ano ang bull market?

Ang “bull market” ay isang term na ginagamit para ilarawan ang isang financial market o segment ng market na pataas.

Ito ay isang kondisyon kung saan ang mga presyo ng securities ay tumataas o inaasahang tataas.

Madalas itong ginagamit para tukuyin ang stock market pero pwede rin itong gamitin sa kahit anong traded, katulad ng bonds, commodities, real estate, currencies, o kahit buong ekonomiya.

Habang ang 20% na pagtaas ng presyo sa merkado ay madalas na itinuturing bilang simula ng isang bullish trend, kadalasan hindi ganun kalinaw ang mga palatandaan ng paparating na bull market.

Gumagamit ang mga traders ng technical analysis para matulungan silang makilala ang mga bullish signals.

Ang ilang halimbawa ng technical indicators ay ang moving averages (MAs), ang Moving Average Convergence Divergence (MACD), Stochastic, at Relative Strength Index (RSI).

Ang kabaliktaran ng bull market ay isang bear market, na nangyayari kapag ang mga investors ay pessimistic.

Ang pagbagsak ng mga presyo (bearish trend) ay lumilikha ng negatibong market sentiment at habang nawawalan ng kumpiyansa ang mga traders, madalas silang nagbebenta nang mas marami, na nagiging sanhi ng karagdagang pagbaba ng mga presyo at madalas na tinatawag na capitulation.