This article has been translated from English to Tagalog.
Ang private blockchain ay isang klase ng blockchain na madalas ginagamit ng mga kumpanya kung saan ang access nito ay limitado lang sa mga empleyado o imbitadong guest users.
Hindi bukas sa publiko ang mga ganitong klase ng blockchains, at kadalasan ay kontrolado ito ng isang kompanya na may kumpletong control sa network.
Pwede gawin ng network owner ang gusto nito sa data sa blockchain, kasama na ang pag-edit o pag-delete nito.
Gumagamit pa rin ng cryptography ang private blockchains para i-secure ito, pero mas hindi sila nakatuon sa identity protection at transparency, dahil nakokontrol na ang kung sino ang may access dito.
Ang private blockchains ay interesado pa rin sa pagpatakbo ng isang distributed ledger na hindi basta-basta mababago, lalo na't ginagamit ito sa iba’t ibang sensitibong business units kasama ang payroll, accounting, at logistics kung saan mahalaga ang pagiging secure at accurate ng data.
Dahil sa centralized nature nito, mas exposed ang private blockchains sa security threats at breaches.
Karaniwan, mas kaunti ang nodes na nagme-manage ng security sa private blockchains kumpara sa mas sikat at heavily used na chains, dahil ito ay para lamang sa mas maliit na audience ng users. Nababawasan hindi lang ang bilang ng miners o validators na pwede mag-validate ng transactions, kundi pati na rin ang bilang ng nodes na nagta-transmit, nagre-receive, at nagve-verify ng network communications.
Dahil ang network ay pagmamay-ari at pinapatakbo kadalasan ng isang enterprise, hindi decentralized ang private blockchains. Nagdudulot ito ng potensyal na issues para sa network, lalo na kung may mga malfunctions sa centralized nodes.