Bayad sa Network

Ang Network Fee, tulad ng pangalan nito, ay bayad na binabayaran mo sa isang blockchain network para sa paglipat ng digital asset sa network na iyon.

Ang mga fee ay napupunta sa mga miners o validators ng blockchain network na iyon na nanalo sa karapatan o pinili ng validation mechanism para kumpirmahin ang iyong transactions at idagdag ito sa blockchain.

Ang mga bayad ay binabayaran ng mga gumagamit ng blockchain, kasama na dito ang mga indibidwal, negosyo, at pati na rin ang mga crypto exchanges.

Sa ilalim ng normal na trading conditions, ang pagbayad ng mas mataas na network fees ay karaniwang nagpapabilis sa pag-verify ng iyong transaction, dahil binibigyan ka ng priority ng mga miners kumpara sa transactions na may mas mababang fees.

Pero kapag masikip ang network, puwedeng biglang tumaas ang network fees kung hindi fixed ang amount ng bayad.

Habang dumarami ang gumagamit ng network, may ilang users na willing magbayad ng mas mataas na fees para madali silang ma-verify ang transactions nila.

Ang mga miners naman ay willing kunin ang mas malaking reward, kaya ang mga users na ayaw magbayad ng mas mataas na fees ay maghihintay nang matagal.

Asahan mo na paulit-ulit na mangyayari ito, na ang mga users ay magbabayad ng pataas nang pataas na fees habang lalong dumadami ang congestion.

Naranasan ng Ethereum (ETH) ang patuloy na pagtaas ng average network fees sa pagtatapos ng 2021, kung saan ang fees ay nasa pagitan ng $40 USD at $65 USD kada transaction.

Noong Hunyo 2022, ang mga Ethereum (ETH) network fees ay average na $5.24 USD, ang pinakamababa sa halos 12 buwan.

Tingnan ang transaction fees at miner fees para sa karagdagang impormasyon.