This article has been translated from English to Tagalog.

Hindi ka basta papasok sa trade dahil sana mag-work out – ginagawa mo 'yan kasi naniniwala ka na mas malaki ang chance na pabor sa’yo ang odds.

Nag-aral ka ng charts, nag-check ng balita, inayos ang risk management mo, at napagdesisyunan mong meron kang nakikitang hindi nakikita ng market.

Sa oras na pumasok ka sa trade, meron kang sapat na confidence sa biases mo para tayaang kontrahin ang market (sa tingin mo mali ang current market prices) at gawin ito gamit ang pinaghirapan mong pera.

Good thing ‘to.

Ang pagiging confident sa idea mo ay makakatulong sa execution mo. Matutulungan ka nitong i-pull ang trigger kahit na nasa losing streak ka, i-press ang trades kung kailangan, at manatili sa plano mo kahit na natutukso kang i-shortcut ito.

Nagsisimula ang problema kapag sobrang confident ka na sa opinyon mo.

Kahit pa best prep ang ginawa mo, pwede ka pa ring magkamali…madalas.

Bakit okay lang na magkamali

Isang magandang dahilan kung bakit dapat ka masanay sa pagkakamali ay dahil siguradong mangyayari ito. MADALAS.

Kahit ang pinaka-consistently profitable traders ay napapadpad sa maling side ng trades. Sa katunayan, may mga traders na mababa ang win rates pero profitable pa rin in the long run.

Ibig sabihin ba nito na masama silang analysts o traders? Hindi!

Ibig lang sabihin nito ay nag-react ang price ng iba sa inaasahan nila noong pumasok sila sa trade. Baka may bagong catalyst na dumating, may report na nagpakita ng unexpected numbers, o baka may world leader na nag-tweet ng nakakagulat.

Kung hindi ka open sa pagkakamali, hindi mo pinaghahandaan ang isang mahalaga at hindi maiiwasang bahagi ng trading.

Kaya sa halip na iwasan ang ideya ng pagkakamali, masanay ka na lang dito. The faster you accept invalidation, the quicker you can focus on limiting damage or even flipping your bias when conditions change.

Besides, ang pagkakamali at pagkatalo sa trades ay makakapagturo sa iyo ng lessons na hindi mo makukuha sa winning trades.

Ang mga losing trades, halimbawa, ay makapagsasabi sa iyo kung aling mga assets at strategies ang dapat iwasan, kung kailan ka nagri-risk ng sobra, o kung anong mindset ang kailangan mo para mag-trade ng profitable. Ang pag-track ng key trading metrics at paggamit ng psychological journal ay makakatulong sa iyo dito.

Kaya, paano ka magiging confident AT open sa pagkakamali?

Ang susi ay kilalanin na ang trading skills mo – hindi ang trade ideas mo – ang magpapabagsak o magpapalago ng account mo.

Kung confident ka na kaya mong i-manage ang risks mo kahit ano pa ang gawin ng price, mas magiging open ka sa (at welcome pa) sa pagkakamali.

Kung hindi ka pa sanay magkamali, pwede kang magsimula sa pag-update sa market themes at pagtingin sa mga catalysts na pwedeng magpalit ng direksyon ng price kontra sa position mo. Normalizahin ang pagbabasa ng mga opposing headlines at biases, dahil makakatulong 'to sa pag-minimize ng losses mo.

Pwede ka rin mag-set ng parameters para sa invalidation bago ka pumasok sa trade. Pwede mong tanungin ang mga ito:

  • Gaano katagal ko inaasahang maabot ng price ang targets ko? Ano ang gagawin ko kung hindi pa naaabot ang mga level na 'yan?
  • Paano kung ang mas maikli/mas mahabang time frames ay nagsimula nang tumuro sa kabilang direksyon?
  • Sa anong price level dapat kong simulang i-re-evaluate ang biases ko?

Sa dulo, ang trabaho ng trader ay hindi para maging tama, kundi para maging profitable.

Ang pag-manage ng risks mo ay nangangahulugang pagpili ng best possible odds para sa positions mo, kahit pa nangangahulugan ito na ang initial trade idea mo ay mali o na-invalidate.

Palaging tandaan na ang hinahabol mo ay progress, hindi perfection.