This article has been translated from English to Tagalog.

Isa sa mga karaniwang pagkakamali ng mga baguhang trader ay ang sobrang pagtuon sa paghahanap ng susunod na panalong trades kaysa maging magaling na trader.

Hindi na bago na makakita ng newbies na ginugugol ang karamihan ng oras nila sa fundamental o technical analysis para makahanap ng profitable na trade setup. Ang iba pa nga, kinokopya na lang diretso ang ideas at sistema ng ibang traders nang hindi talaga naiintindihan ang behind-the-scenes.

Takot na takot silang ma-miss ang magandang opportunity kaya mas inuubos nila ang oras nila sa pag-trade kaysa tukuyin ang kanilang mga kalakasan at kahinaan at pagbutihin ang kanilang skills.

Ang hindi nila naiintindihan ay ito: ang panalong trading habits ang mas madalas na panalo kaysa sa winning setups.

Hindi ko sinasabi na ang paghahanap o pag-copy ng trades ay hindi nakakatulong.

Ang sinasabi ko ay ang mga self-improvement activities tulad ng trade journaling o deliberate practice ay mas magpapabilis sa iyo para maging consistently profitable trader kaysa sa simpleng panghuhuli ng good trade setups.

Ang isang matagumpay na boksingero ay hindi sinimulan ang kanyang karera sa pagpasok sa maraming kompetisyon sa pag-asang ang karanasan ang gagawa sa kanya na mas magaling na atleta.

Uunahin niyang gumugol ng oras sa gym para i-kondisyon ang kanyang katawan, mag-memorize ng iba't ibang kombos, at itama ang kanyang mga kahinaan bago siya pumasok sa ring. Pagkatapos, gamit ang mga basics at ang habit ng pagkatuto mula sa kanyang mga laban, gagawa siya ng tamang adjustments hanggang sa hindi na siya matalo sa kanyang weight division.

Ngayon, isipin mo kung ang boksingero ay mas concerned sa pagkapanalo ng mga laban kaysa maging magaling na atleta. Magcha-challenge siya ng maraming kalaban hangga't maaari nang walang masyadong pag-iisip sa training niya.

Malamang bumigay ang kanyang conditioning sa ring, at matatalo siya sa mga laban. Ironically, ang kagustuhan niyang manalo ang naging balakid sa kanyang kakayahang manalo.

Ganitong-ganito rin ang kinakaharap ng mga Forex trader araw-araw. Wala lang yung facial bruises. Siguro. 😅

Ang punto ay marami ang sobrang tutok sa kanilang balanse at sa “scoring” ng good trades na napapabayaan nila ang kanilang conditioning.

Wala silang masyadong effort na inilalaan para mapabuti ang kanilang skill set, at sa paglipas ng panahon, magiging limitado ang kanilang trading skills sa mga setups na kadalasang kinukuha nila.

Pagtuunan ang proseso sa halip na kita, para mas handa ka sa anumang trading scenario na dumating. Pwede rin nitong mabawasan ang trading anxiety dahil mas may kontrol ka sa kasalukuyan mong problema kaysa sa future na kita o losses.

Sa huli, kailangan mong tandaan na ang pagkapanalo ay hindi tungkol sa pagkakaroon ng pinakamagandang baraha, kundi kung paano mo nilalaro ang barahang hawak mo.

Mag-focus ka sa pagiging magaling na trader, at susunod ang good trades.

Pag-master ng iyong trading psychology gamit ang AI-powered insights! Nakatutulong ang TradeZella sa pag-track, backtest, at automatic na pagtanggal ng bad habits! I-click ang link at gamitin ang code “PIPS20” para makasave ng 20%!