5 Dahilan Kung Bakit Ang Mga Trader ay Sumusuko sa Forex Trading

Tulad ng maraming bagay na nangangailangan ng mataas na performance, ang tagumpay sa forex trading ay nangangailangan ng oras, tiyaga, at maraming practice.

Kaya naman hindi lahat ng baguhan ay nagtatagumpay sa pag-trade ng currencies sa kanilang unang subok. Sa totoo lang, ayon sa popular na mga talakayan tungkol sa trading, tinatayang 2% lang ng mga baguhang trader ang talagang kumikita.

Ano nga ba ang nagpapahirap sa mga trader na manatili sa forex trading? Marami na akong natutunan na mga dahilan matapos makausap ang kapwa forex traders sa aking blogs at sa forums, pero sa tingin ko, pwede nating i-narrow down ito sa lima:

1. Naubos nila ang kanilang trading account.

Ano bang saysay ng pag-trade kung wala namang account na pwedeng i-trade? Isa sa mga karaniwang pagkakamali ng mga baguhang trader ay ang pagtalon nila sa trading pool nang hindi man lang natututunan kung paano sila makakaiwas sa pagkalunod sa losses.

Kinuha nila ang unang trading idea na nakita nila at umaasa na magiging okay ang lahat. At dahil kulang sila sa kaalaman sa economic correlations at risk management, mas madalas silang matalo kaysa manalo. Susmaryosep, may ibang naglalagay pa ng lahat ng kanilang pera sa isang trade na umaasa na babalik sa pagkapanalo!

Syempre, hindi sustainable ang ganitong gawain at isa ito sa pinaka-siguradong paraan para makakuha ng margin call. Kaya naman importante ang risk management, mga kaibigan!

2. Hindi ito ang inaasahan nila sa forex trading.

Isisi natin ito sa mga nagbebenta ng snake oil. Ang mga baguhan na naakit sa pangako ng madaling pera ay madalas na-overwhelm kung ano talaga ang kailangan nilang gawin para kumita ng kita na kanilang inaasam-asam.

Ang kawalan ng inaasahang kita ay nagtutulak sa mga baguhan na sumuko at baka isiping ang forex trading ay isang scam (may ilang tusong brokers, pero hindi naman ang buong industriya).

Isang paraan para maiwasan ito ay ang pagsasagawa ng due diligence kapag pumipili ng iyong broker. Nagrisk ka ng totoong pera, after all, at ang mabilisang silip sa mga pangunahing broker lists at trading forums ay magbibigay sa iyo ng ideya tungkol sa reputasyon ng iyong potensyal na broker.

3. Pinanghihinaan sila ng loob dahil sa kanilang pagkalugi.

Para maging matagumpay na trader, kailangan mong kilalanin na ang pagkatalo ay bahagi ng pag-trade tulad ng pagkapanalo. Walang holy grail sa forex trading, kaya't kailangan mong harapin ang mga pagkalugi paminsan-minsan.

Pero hindi lahat ay handa sa pag-rerisk. May mga hindi komportableng amining nagkamali sila, samantalang ang iba nama'y ayaw makakita ng pagkalugi sa kanilang mga ledger.

Sa kasamaang palad, ang mga trader ay kadalasang nakakaranas ng MARAMING pagkalugi bago sila maging consistent na profitable sa forex.

4. Hindi na sila makabalik sa "zone."

Yung mga matagal nang nagte-trade ay malamang nakaranas ng pagiging “in the zone.” Naka-tune sila sa kasalukuyang market themes, tila nakakapakinabangan ang pinakamahusay na trading opportunities, at maganda ang hawak nila sa kanilang emosyon habang nagte-trade.

Inevitably, magtatapos ang maswerteng streak. Magbabakasyon sila, haharap sa personal na isyu, o magkakaroon ng masamang trade (ang pagkalugi ay hindi maiiwasan, tandaan mo?). Alam ng mga seasoned traders na posible pa ring makabalik sa zone kung magsisikap sila para dito.

Pero hindi lahat ng traders ay motivated na bumalik sa laban. May mga hindi na maka-get over sa kanilang pagkalugi, habang ang iba namang part-time traders ay nawawalan na ng interes kalaunan.

5. Hindi para sa kanila ang forex trading.

Ang pinakamadali at pinakamalinaw na paliwanag kung bakit sumusuko ang mga trader ay hindi talaga para sa kanila ang forex trading.

Maaaring hindi lang talaga interesado ang trader sa pag-rerisk ng pera sa mga volatile na assets tulad ng currencies. O baka naman hindi maipasok ng isang tao ang forex trading sa kanyang kasalukuyang lifestyle. O baka naman hindi lang talaga siya interesado sa pag-trade ng currencies.

Tandaan na ang forex trading ay isang negosyo. Hindi ito isang get-rich-quick program na nangangailangan lang ng ilang oras kada araw, at hindi rin ito sugal.

Ang trading ay pwedeng maging fulfilling AT profitable, pero, tulad ng anumang high-performance endeavor, nangangailangan ito ng trabaho para maging mahusay dito.

Kaya, sa tingin mo ba may kakayahan kang maging forex trader?