This article has been translated from English to Tagalog.

Kapag ginamit nang maayos, ang isang trade blog o journal ay puwedeng makatulong sa'yo na masubaybayan ang iyong mga behavioral tendencies at ang kanilang karaniwang outcomes para masulit mo ito.

Hetong ilang sa mga suhestyon namin:

1. Balansihin ang negatibo at positibo

Karaniwan sa mga traders na magsulat tungkol sa mga maling nagawa nila o mga hindi nila nakita lalo na kapag nagsusulat tungkol sa isang talong trade.

Pero kung 'yan lang ang laman ng trading blog entry mo, malamang ay mauuwi ka sa frustration kapag binalikan mo ang log mo at binasa lahat ng pagkakamali mo.

Sa halip na puro mali lang ang i-focus, maglaan ka ng bahagi sa entry para sa mga tama mong ginawa at kung ano'ng gumagana para sa'yo. Pwedeng kasing simple lang ng pag-acknowledge na tama ang analysis mo o na nagawa mong putulin ang losses mo sa tamang oras.

Ang sobrang negativity sa blog entries mo ay puwedeng makasira sa trading confidence mo sa kalaunan kaya makakatulong na balansehin ito ng ilang positibong thoughts sa trading mo.

Magsulat tungkol sa parehong lakas at kahinaan mo para magamit mo ang journal mo sa pagpapahusay ng trading performance mo.

2. Mag-focus sa pagkatuto

Bukod sa pagsusulat tungkol sa thought process mo during the trade, dapat mo ring tukuyin ang mga aral na natutunan mo para alam mo kung paano mag-react sa parehong sitwasyon kapag naulit ito.

Sa paglalagay ng mga iniisip na ito sa salita, mas malaki ang tsansang maaalala mo ang mga aral na ito at ma-apply next time.

Halimbawa, pwede mong tandaan kung paano mo mas mapapabuti ang paglalaro ng trade o kung paano mo mapapalaki ang advantage mo sa pamamagitan ng pagdagdag sa position mo. Pwede mo rin isulat kung aling mga technical o fundamental signals ang puwedeng nagpayagang makalabas ka agad at putulin ang losses mo.

Siyempre, hindi mo ma-ga-garantiya na ang mga aral o rules na 'to ay magiging dahilan ng kita sa susunod na trade, pero makakatulong sila na magkaroon ka ng edge sa markets.

Sa paggawa nito, masisiguro mo na bawat trading day ay nagbibigay ng oportunidad para sa pagkatuto at paglago, kahit man o hindi ka kumita sa araw na 'yon.

3. Manatiling goal-oriented

Ang pagsusulat ng observations ay nakakatulong pero, maliban kung gagawa ka ng aksyon tungkol dito, ito ay magiging observations lang.

Kailangan mong gawing simple at konkretong goals ang mga observations mo. Kung napansin mo ang isang pagkakamali sa trading, dapat mong tukuyin kung ano ang dapat mong ginawa sa halip at gawing goal 'yan para sa susunod na araw.

Hindi makakatulong na mag-dwell ka sa mga pagkakamali at negative thoughts mo. Sa halip, i-focus ang efforts mo sa kung paano malalampasan ang parehong negatibong sitwasyon sa hinaharap.

Halimbawa, kung napansin mo na nagiging trigger-happy ka at nag-o-overtrade ka pagkatapos ng ilang panalo, gawing goal mo na itago ang mga kamay mo sa bulsa at maging mas maingat sa susunod na makaranas ka ng winning streak.

Ayun na 'yon, mga kaibigan! Sana na-enjoy ninyo ang mga simpleng pero epektibong tips kung paano masusulit ang trading blog mo.

Unti-unti, ang mga pagbabagong ito ay maaaring magdulot ng himala sa trading psychology mo at posibleng pati sa account mo rin.