Paano Mag-Trade ng Bearish at Bullish Pennants

Katulad ng rectangles, ang pennants ay mga continuation chart patterns na nabubuo pagkatapos ng malalakas na paggalaw.

Pagkatapos ng malaking pag-akyat o pagbaba, usually nagpa-pause muna ang buyers or sellers para huminga bago nila itulak pa ang presyo sa parehong direksyon.

Dahil dito, ang presyo kadalasang nagko-consolidate at bumubuo ng maliit na symmetrical triangle na tinatawag na pennant.

Habang nagko-consolidate pa ang presyo, usually marami pang buyers or sellers ang nagdedesisyong sumali sa malakas na paggalaw, dahilan para mabasag ang pennant formation.

Bearish Pennants

Ang bearish pennant ay nabubuo sa panahon ng matarik, halos patayong, pagbaba ng trend.

Pagkatapos ng biglaang pagbaba ng presyo, may ilang sellers na nagsasara ng kanilang posisyon habang ang iba nama'y sumasabay sa trend, kaya't ang presyo ay pansamantalang nagko-consolidate.

Kapag sapat na ang sumali na sellers, mababasag ang ibaba ng pennant at magpapatuloy ang pagbaba ng presyo.

Kitang-kita naman, nag-resume ang pagbaba pagkatapos mabasag ng presyo ang ibaba.

Para i-trade ang chart pattern na ito, maglalagay tayo ng short order sa ibaba ng pennant na may stop loss sa itaas nito.

Sa ganitong paraan, makakalabas tayo agad sa trade kung sakaling ang breakdown ay isang fakeout.

Hindi tulad ng ibang chart patterns na ang laki ng susunod na move ay halos kasing taas ng formation, ang pennants ay nag-signal ng mas malalakas na paggalaw.

Usually, ang height ng naunang move (tinatawag ding mast) ang ginagamit para tantiyahin ang laki ng breakout move.

Bullish Pennant

Ang bullish pennants, gaya ng pangalan nito, ay nagsisignal na ang mga bulls ay maghahanda na ulit para sa kanilang pag-atake.

Ibig sabihin nito, magpapatuloy ang matarik na pag-akyat ng presyo pagkatapos ng maikling panahon ng consolidation kung saan ang mga bulls ay nagtitipon ng lakas para lalo pang itaas ang presyo.

Sa halimbawa na ito, ang presyo ay gumawa ng matarik na patayong pag-akyat bago magpahinga. Naririnig ko na ang mga bulls na nag-iinit at handa na sa muling pagtakbo!

Tulad ng inaasahan natin, ang presyo ay gumawa ng isa pang malakas na pag-akyat pagkatapos ng breakout.

Para maglaro dito, maglalagay tayo ng long order sa itaas ng pennant at ang stop natin ay ilalagay sa ibaba ng pennant para iwas fakeouts.

Gaya ng napag-usapan natin kanina, ang laki ng breakout move ay kasing taas ng mast (o laki ng naunang paggalaw).

Kita niyo, kahit maliit ang pennants, pwede nila ituro ang malalaking paggalaw ng presyo kaya wag niyo silang maliitin!