PIIGS

PIIGS ay isang acronym na naging popular noong European debt crisis.

Ang European debt crisis (madalas ding tinutukoy bilang eurozone crisis o European sovereign debt crisis) ay isang krisis ng utang na nagaganap sa European Union simula pa noong 2009.

Ang PIIGS ay tumutukoy sa limang bansa na may mataas na utang at deficit at mababang posibilidad na mabayaran ang kanilang mga utang.

Ang mga financially weak na bansang ito ay ang Portugal, Ireland, Italy, Greece, at Spain.

Ang unang naitalang paggamit ng hindi magandang bansag na ito ay noong 1978, kung saan ginamit ito para tukuyin ang underperforming European countries na Portugal, Italy, Greece, at Spain (PIGS).

Ginamit ang terminong ito bilang reference sa lumalaking utang at economic vulnerability ng mga Southern European EU countries.

Ang Ireland ay nadagdag sa listahan sa panahon ng krisis pang-ekonomiya dahil biglang tumaas ang utang at deficit ng bansa.