G7

G7 ay nangangahulugang “Group of Seven” na binubuo ng mga industrialized nations.

Dati itong kilala bilang G8 (Group of Eight) hanggang noong 2014 nang itanggal si Russia dahil sa pag-aangkin nito ng Crimea mula sa Ukraine.

Ang Group of Seven ay binubuo ng mga nangungunang industrial countries sa mundo: United States, Germany, Japan, France, United Kingdom, Canada, Italy.

Bakit nabuo ang G7?

Nabuo ang G7 mahigit apat na dekada na ang nakakaraan bilang taunang pagtitipon ng mga political leaders para pag-usapan at magpalitan ng ideya tungkol sa iba’t ibang isyu, kasama na ang global economy, seguridad, at enerhiya.

Ang France, Italy, Japan, United Kingdom, United States, at West Germany ang bumuo ng Group of Six noong 1975. Sumali ang Canada noong sumunod na taon.

Eventually, sumali si Russia noong 1998 at ang pagsali nito ay isang senyales ng kooperasyon sa pagitan ng East at West pagkatapos bumagsak ang Soviet Union noong 1991.

Ang G7 ay isang informal bloc at walang ginagawang mandatory decisions, kaya ang mga pahayag ng mga lider sa pagtatapos ng summit ay hindi binding.

Anong mga bansa ang kasapi ng G7?

Kasama sa grupo ang United States, United Kingdom, Germany, Canada, Japan, France, at Italy.

Bilang grupo, ang mga G7 countries ay kumakatawan sa halos 40% ng global GDP at 10% ng populasyon ng mundo.

Simula 1977, nakikilahok ang European Union sa gawain ng G7 at kinakatawan ito sa summit ng President ng European Commission at President ng European Council.

Gradual na naging bahagi ang E.U. sa lahat ng political discussions sa agenda kahit na hindi ito opisyal na miyembro.

Bakit tinanggal si Russia sa G8?

Natanggal si Russia sa dating G8 noong 2014 matapos nitong angkinin ang Crimea mula sa Ukraine, na itinuring ng mga lider bilang “paglabag sa soberanya at teritoryal na integridad ng Ukraine”.

Inanunsyo ni President Barack Obama at iba pang world leaders sa isang joint statement, na pinamagatang The Hague Declaration, noong Marso 2014 na kakanselahin nila ang nakaplanong meeting ng taon na iyon sa Sochi, Russia.

Ano ang pagkakaiba ng G7 at G20?

Ang G7 at G20 ay parehong grupo ng mga bansa na nagtitipon para talakayin at solusyunan ang malalaking pandaigdigang isyu sa ekonomiya, politika, at lipunan. Gayunpaman, magkaiba sila pagdating sa miyembro, saklaw, at layunin.

Habang ang G7 ay may kaugnayan sa politika, ang G20 ay mas malawak na grupo na nakatuon sa global economy.

Heto ang mga pangunahing pagkakaiba nila:

Membership

G7: Ang Group of Seven (G7) ay isang informal group ng pito sa pinakamauunlad na ekonomiya sa mundo, na binubuo ng United States, Canada, Germany, France, United Kingdom, Italy, at Japan. Ang European Union (EU) ay kinakatawan din sa loob ng G7 pero hindi opisyal na miyembro.

G20: Ang Group of Twenty (G20) ay mas malawak at inclusive na grupo, na binubuo ng 19 na bansa at ang European Union. Kasama ang mga miyembro ng G7 at iba pang major economies, gaya ng Argentina, Australia, Brazil, China, India, Indonesia, Mexico, Russia, Saudi Arabia, South Africa, South Korea, at Turkey.

Saklaw at Layunin

G7: Ang G7 ay pangunahing nakatuon sa pagtugon sa pandaigdigang isyung pang-ekonomiya at pag-coordinate ng polisiya sa ekonomiya sa pagitan ng mga miyembro nito. Orihinal itong nabuo noong 1970s bilang tugon sa global economic crises, gaya ng pagbagsak ng Bretton Woods system at oil crisis. Sa paglipas ng panahon, lumawak ang agenda ng G7 para maisama ang iba pang isyu, tulad ng climate change, global health, at seguridad.

G20: Itinatag ang G20 noong 1999, na may layuning pagsamasamahin ang mga pangunahing ekonomiya ng mundo upang talakayin at tugunan ang mga kagyat na pandaigdigang isyu. Habang ito rin ay nakatuon sa mga bagay na pang-ekonomiya, mas malawak ang agenda nito kumpara sa G7, dahil sakop nito ang iba’t ibang paksa, kasama ang financial stability, international trade, employment, development, at energy. Ang layunin ng G20 ay mapadali ang pandaigdigang kooperasyong pang-ekonomiya at masiguro ang global financial stability.

Impluwensya at Representasyon

G7: Ang G7 ay kumakatawan sa mas maliit at mas selektibong grupo ng mga bansa na may mga advanced economies. Sama-sama, kumakatawan sila sa isang makabuluhang bahagi ng pandaigdigang output ng ekonomiya, ngunit nabawasan ang kanilang impluwensya sa paglipas ng panahon habang ang mga umuusbong na ekonomiya, tulad ng China at India, ay lumago ang kahalagahan.

G20: Ang G20 ay may mas magkakaibang membership, na kumakatawan sa parehong advanced at umuusbong na ekonomiya. Bilang resulta, saklaw nito ang halos 85% ng global GDP, mahigit 75% ng global trade, at mga dalawang-katlo ng populasyon ng mundo. Ang ganitong malawak na representasyon ay nagbibigay sa G20 ng mas malaking impluwensya at lehitimasyon sa pagtugon sa pandaigdigang mga isyu kumpara sa G7.

Sa kabuuan, ang G7 at G20 ay parehong international forums para talakayin at tugunan ang pandaigdigang mga hamon, pero nagkakaiba sila sa membership, saklaw, at layunin.

Ang G7 ay mas maliit na grupo ng advanced economies, habang ang G20 ay mas malaking, mas inclusive na grupo na kumakatawan sa mas malawak na hanay ng mga bansa at isyu.