Bucket Shop

Forex bucket shops ay mga brokerage firms na may "questionable" na mga trading practices tulad ng sobrang dalas na price misquotes o requotes, slippage na pabor lang sa broker, at stop hunting.

Napanood mo na ba ang Boiler Room?

Huwag mo namang sabihing na-miss mo ang legendary na speech ni Ben Affleck tungkol sa pera?!

"Sinasabi nila na hindi nabibili ng pera ang kaligayahan? Tingnan mo 'tong ngiti ko. Ear to ear, baby!"

At itong ganid, pera-oriented na pilosopiya ang nagtutulak sa mga tao sa likod ng bucket shops.

Ang pangalan ay nanggaling sa mga brokers noon na inilalagay lang sa mga slips ang phone-in orders ng kliyente at hinuhulog ito sa maliit na balde imbes na i-execute talaga.

Kapag hindi inilalabas ang orders sa free market, ang kliyente ay tumataya laban sa mga bucket shop operators na kilala rin bilang bucketeers.

Ang mga old school bucketeers ay kadalasang hindi ibinabahagi ang totoong presyo ng asset na tinitrade ng kliyente, ibig sabihin pwede nilang sabihin sa kliyente na gumalaw o hindi gumalaw ang presyo—kung ano ang pabor sa broker!

Pero salamat sa imbensyon ng internet—at sa mas mahigpit na regulasyon at pagpapatupad—mas kaunti na ang dapat ipag-alala ng mga baguhan ngayon.

Sa kasamaang palad, andyan pa rin ang mga bucket shops kaya ingat lang!

Buti na lang at nandito kami sa BabyPips.com handang tulungan ka na iwasang ipagkatiwala ang pinaghirapan mong pera sa mga salbahe na bucketeers.

Para matulungan kang ihiwalay ang mabubuting brokers sa mga hindi maganda, magpunta ka sa Forex Brokers Forum, kung saan ang kapwa forex traders ay mabait na nagbabahagi ng kanilang feedback at experiences tungkol sa napakaraming brokers.

Kaya bago mo i-deposit ang pera mo kung kani-kanino lang, siguraduhin mong gawin ang due diligence at espionage para maiwasan ang mga fraudulent brokers at forex scams. Tandaan mo, marami pa diyan at titingnan natin 'yan sa susunod!