Promotor

Shill o shilling ay crypto slang para sa pag-promote ng bitcoin o isang altcoin para sa sariling kapakinabangan mo.

Ang taong gumagawa ng shilling ay tinatawag na shill (at iba pang bagay din, hehe!).

Gusto ng mga shill na makuha ang atensyon ng tao sa isang cryptocurrency sa pag-asang tumaas ang demand at sa huli ay tumaas ang presyo ng digital asset.

Maraming crypto influencers na sikat sa industry ang nawawalan ng respeto kapag nagsimula silang i-shill lahat ng coin o token na makita nila, kahit hindi beneficial o maganda ang project o ang integridad ng kumpanya o team sa likod ng project.

Ang nagpapalala sa shilling ay ang minsang hindi pagiging tapat ng mga shiller sa publiko o kanilang audience.

Sinusubukan ng mga shill na magmukhang tunay na interesado sila sa specific na cryptocurrency dahil sa utility nito o sa future benefit nito sa crypto ecosystem.

Para bang ginagawa lang nila ang parte nila para mag-educate at mag-inform sa mga tao, na hindi binabayaran ng kumpanyang nasa likod ng project.

Pero ang totoo, ang mga shiller ay motivated lang dahil bayad sila para gawin yun.

Ang bayad ay maaaring sa anyo ng flat fee na diretso ibinibigay sa shiller.

Ang mga ICO o IDO na discounted coins o presale tokens ay halimbawa ng indirect payments na galing sa project team o kung sinong 3rd party na involved sa pagma-market ng project.

Pinapalakas ng mga shiller ang project sa pamamagitan ng social media, tumaas ang presyo ng hawak nilang cryptocurrency dahil sa nadagdag na interes na kanilang pinukaw, at ibinebenta nila ang malaking parte ng kanilang hawak para kumita, na nagiging sanhi ng pagbaba ng presyo ng digital asset.