This article has been translated from English to Tagalog.
Ang Seed Phrase ay koleksyon ng random words na nade-generate pag nag-create ka ng wallet. Ito ang magpapabalik sa'yo sa crypto wallet mo kung mawawala o mabubura mo ito.
Sobrang importante na panatilihing ligtas ang seed phrase mo at hindi madaling makita ng iba.
Dapat mong kopyahin ang seed phrase mo agad-agad matapos itong ma-generate para sa'yo.
Maaari itong magamit para ma-recover ang mobile wallet, hardware wallet, at desktop web-browser wallet mo kung sakaling magkaroon ka ng issues sa pag-access ng mga ito.
Sinumang nakakaalam ng seed phrase mo puwedeng gumawa ng kopya ng wallet mo at idagdag ito sa kanilang sariling device. Pag nangyari 'yun, puwede nilang ubusin ang lahat ng laman ng wallet mo.
Ang pagkakaalam ng seed phrase mo ay nagbibigay sa'yo ng access sa private key mo, na siyang nagpapatunay sa pagmamay-ari mo ng cryptocurrency.
Ang pinaka-secure na paraan sa pagtatago ng seed phrase ay sa isang medium na hindi madaling mawala o masira. Papeles puwede, pero madali itong mawala o masira. Ang pag-save ng seed phrase sa online password manager ay convenient, pero hindi ito 100% secure, kasi puwedeng ma-hack ang master password kung mahina.
May ibang tao na nagmememorize ng seed phrase nila, na hindi namin inirerekomenda.
Ang iba naman ay nag-engrave o nag-stamp ng seed phrase nila sa piraso ng kahoy o metal, dahil mas mahirap itong sirain o mawala.
Ang kombinasyon ng maraming level ng backup ay puwedeng maging best na aksyon. Halimbawa, puwede mong kopyahin ang seed phrase mo sa papel at ilagay ito sa fire safe, o i-etch ito sa kahoy o metal. Ang bank deposit boxes ay magandang alternatibo, kahit hindi ito masyadong convenient gamitin.
Karaniwan, ang seed phrases ay binubuo ng mga simpleng salita kaya medyo madali itong i-maintain ang accuracy at less prone sa human error.
Ang halimbawa ng seed phrase ay ganito:
trash barrel iron auction abuse rich crisp bench liar price access file
Mahalaga ang pagkakasunod-sunod ng mga salita, dahil puwedeng itanong sa recovery process ang specific na lugar ng salita, kagaya ng “ang ika-4 na salita sa seed phrase mo”.