Genesis Block

Ang genesis block ay ang pinakaunang block o unang ilang blocks na naitala sa isang blockchain o blockchain-based na protocol. Madalas tawagin ito na Block 0 o Block 1.

Ang genesis block ang nagsisilbing pundasyon para sa lahat ng iba pang blocks na idinadagdag para makabuo ng chain ng blocks. Diyan nanggaling ang salitang “blockchain”.

Sa isang blockchain, bawat block ay may reference sa naunang block. Pero hindi ‘yan applicable sa genesis block dahil wala namang block na nauna sa kanya sa chain. Siya ang una.

Kaya mula sa technical na pananaw, ang “previous hash” value ng genesis block ay naka-set sa 0. Walang naiproseso sa blockchain bago ang genesis block.

Ang lahat ng sumusunod na blocks, gayunpaman, ay magkakaroon ng “previous hash” na naka-configure sa kung ano man ang na-set na previous block’s hash.

Tandaan, ang cryptocurrencies ay secured gamit ang cryptographic principles. Ang bawat block pagkatapos ng genesis block ay maglalaman ng data tungkol sa anumang transactions na naganap sa block na 'yon plus ang hash mula sa naunang block.

Ang dalawang blocks na 'yan ay konektado. Ang susunod na block pagkatapos ng ikalawang block ay maglalaman ng parehong bagay – transactions na naganap sa bagong block, plus ang hash na binuo mula sa lahat ng data ng naunang block. At tuloy-tuloy lang ito.

Kung isa lang ang baguhin, pwedeng masira ang buong chain.

Ang pinaka-sikat na genesis block, at ang pinakaunang Bitcoin block, na tinatawag na Genesis Block, ay ginawa noong January 3^rd, 2009, ni Bitcoin’s infamous at mysterious creator, Satoshi Nakamoto. Ang iba ay naniniwala na ito ang simula ng cryptocurrency revolution – ang simula ng lahat!

Ang Genesis Block ay may 50-bitcoin reward na kaakibat. Kakaiba lang, kahit na ang reward ay naipadala sa isang valid address, hindi ito magalaw. Hindi malinaw kung ito ay sinadya o isang bug.

Ang block rewards ay ibinabayad sa miners para sa kanilang trabaho sa pag-mine, o pag-validate ng transactions na bumubuo sa mga bagong blocks. Sa posibleng daan-daang libong transactions na nangyayari araw-araw, mahalaga na ma-verify agad ang mga transactions.

Ang block rewards ay nagbibigay insentibo sa mga miners na makipagkumpitensya para i-validate ang mga transactions sa blocks, na pagkatapos ay idinadagdag sa blockchain.

Isa pang napaka-interesting na bagay tungkol sa Bitcoin’s Genesis Block ay naglalaman ito ng isang nakatagong mensahe sa loob ng block data:

“The Times 03/Jan/2009 Chancellor on brink of second bailout for banks”

Ang data ay tumutukoy sa isang balita mula sa The Times. Ang headline ng balita ay nagbibigay patunay na ang Genesis Block ay hindi pwedeng likhain bago ang pag-release ng headline ng artikulo.

Pinaniniwalaan na isinama ni Satoshi ang headline bilang paraan ng pagsuporta sa kanyang layunin para sa paglikha ng Bitcoin – na bigyan ng kakayahan ang sinuman, saanman sa mundo na kontrolin ang kanilang sariling pera, nang walang kailangan ng interbensyon ng gobyerno o institusyon.