CPU

Ang CPU, o central processing unit, ay ang utak ng computer na nag-e-execute o nag-pro-process ng mga instructions mula sa mga computer programs, operating systems, at iba pang computer hardware.

Ito ang pinaka-importanteng bahagi ng kahit anong computer.

Naging mahalagang bahagi na ang CPUs ng crypto mining rigs, ang computer hardware na ginagamit para mag-mine ng iba’t-ibang cryptocurrencies, tulad ng bitcoin (BTC) at Ethereum (ETH).

Para maging profitable ang mining, kailangan ng mga miners ng kombinasyon ng cost-efficient na hardware, murang sources ng enerhiya, optimally-priced na cryptocurrencies, at ang pinaka-makapangyarihang crypto mining equipment na kaya nilang bilhin.

Kasama dyan ang CPUs na may maximum CPU cores, multi-thread o hyper-threading capabilities, pinakamabilis na clock rates, specialized cooling options at optimized power consumption.

Ang CPU mining ay isang paraan para mag-mine ng cryptocurrencies, gamit ang CPU ng iyong computer para mag-perform ng advanced arithmetic operations at calculations ng paulit-ulit para ma-solve ang complex algorithms at ma-validate ang crypto transactions sa isang blockchain.

Noong unang panahon ng Bitcoin at mining in general, ang CPU mining mula sa isang computer ay ang pinaka-popular na form ng mining, dahil ang requirements sa equipment ay basic, mababa ang competition ng mga miners, at halos kahit sino na may computer ay pwedeng gamitin ang kanilang CPU para gumawa ng bagong blocks at kumita ng rewards.

Nang tumaas ang network adoption, ganun din ang transaction volume, na nagresulta sa mas mataas na level ng competition ng mga miners habang mas marami ang sumasali sa network para kumita ng rewards.

Nalaman ng mga miners na para maging competitive, kailangan nila ng mas maraming mining computers na mas malakas din.

Dahil dito, napilitan ang mga miners na lumipat mula sa single computer mining rigs papunta sa mga crypto mining facilities ngayon na tumatakbo sa data centers na may libu-libong mining computers.

Ang GPU mining ay malawakang pinalitan ang CPU mining bilang preferred na method ng mining dahil mas magaling ang GPUs sa pag-handle ng malalaking volumes ng repetitive mathematical data.  Nakaka-solve sila ng mas maraming blocks sa parehong oras na kailangan ng CPUs para ma-solve ang mga ito.

May dagdag na benepisyo ang GPUs na mas mababa ang gastos sa operasyon, dahil minsang pwede kang magpatakbo ng hanggang 8 GPUs sa isang motherboard na may isang CPU at memory lang.

Gayunpaman, pinalitan na ng specialized na mining hardware na tinatawag na ASIC machines ang GPU mining sa enterprise level ng mining.